A ORIXE DAS PALABRAS: TIRAR A CASA POLA FIESTRA

Dise que alguén tira a casa pola xanela cando de súpeto comeza a efectuar gastos superiores aos que facía ou incluso dilapidar os cartos.

Tan contundente expresión nace dá o costume que existía no século pasado de tirar literalmente pola xanela os aveños do fogar cando a alguén lle tocaba a Lotería Nacional en España.

Esta naceu (en España) baixo o reinado de Carlos III, quen a instaurou por Orde do 30 de setembro de 1763. As primeiras oficinas abriron as súas portas ao público nunha casa da praza de San Idelfonso, en Madrid. A estrutura actual en décimos e sorteos periódicos foi instaurada en 1812 polas Cortes de Cádiz.

Por aquel entón (a partir do último cuarto do século XVIII) aqueles que ansiaban ser os afortunados gañadores da lotería non tiñan soños como os que hoxe en día podemos ter (viaxar, comprar un coche, unha casa nova, deixar de traballar…) senón que aspiraban a cousas como facer algunha reforma e cambiar os mobles, roupas e aveños da casa.

Por iso é polo que cando a alguén lle tocaba un bo tanto na lotería o primeiro que facía era desfacerse de todo aquilo que xa non quería tirándoo pola xanela.

FONTE: blogs.20minutos.es         Imaxe: Fernado Serra/.ui1.es