CANTO SABES DE BULGARIA? XV

Continúo coa serie adicada a Bulgaria, un país situado ao sur de Europa, un dos vinte e sete Estados soberanos que forman a Unión Europea. Ademais da gran beleza de moitos dos seus lugares, e da importancia da natureza en todo o seu territorio, destaca pola súa gran riqueza cultural declarado parte do Patrimonio Cultural pola UNESCO.

A contestación correcta á pregunta de onte é Tracios. Os Tracios foron un grupo de tribos que ocuparon a zona sueste da Península dos Balcáns, a zona que actualmente ocupa Bulgaria. Son pouco coñecidos debido a que quedaron poucos restos da súa cultura e porque a súa civilización foi asimilada por outras e difuminou todo o seu legado. A teoría principal sobre a súa orixe indica que os Tracios foron os habitantes orixinais desta área baseándose nos datos xenéticos das probas de ADN realizadas aos restos dos humanos da idade de pedra, ferro e bronce que coinciden coas dos Tracios e mesmo quedan coincidencias xenéticas cos actuais búlgaros.

E imos coa pregunta de hoxe e última da serie!

15. Cal é o animal nacional de Bulgaria?

- León

- Cabalo

- Lobo

Mañá a solución e remate da serie!

FONTE: es.wikipedia.org  Imaxes: elespanol.com e es.wikipedia.org