PREMIOS FRONTEIRAS DO COÑECEMENTO EN TECNOLOXÍAS DA INFORMACIÓN E COMUNICACIÓN

 Anil K. Jain e Michael I. Jordan / FBBVA

A Fundación BBVA concedeu o premio Fronteiras do Coñecemento, na categoría Tecnoloxías da Información e a Comunicación, a Anil K. Jain (Universidade de Michigan State, Estados Unidos) e a Michael I. Jordan (Universidade de california Berkeley, Estados Unidos), pola súa contribución ao desenvolvemento destas novas ferramentas postas ao servizo dos seres humanos.

Ambos os científicos resultaron os gañadores das 41 candidaturas recibidas, na XVII edición dos prestixiosos galardóns. "A súa contribución alcanza a todos os aspectos da vida cotiá", resaltou o presidente do xurado, Joos Vandewalle, científico da Real Academia Flamenca de Ciencias e Artes de Bélxica. A acta do xurado, composto por expertos internacionais, coincide ao sinalar "o acto impacto destas aplicacións para o conxunto da sociedade".

Instituidos en 2008, os premios da Fundación BBVA Fronteiras do Coñecemento contan coa participación do Ministerio de Ciencia, Innovación e Universidades, e o Consello Superior de Investigacións Científicas. Constitúen un conxunto de galardóns de importancia internacional, como referenda que en 31 ocasións os premiados recibiron despois o premio Nobel.

O investigador de orixe india Anil Jain está considerado o pai científico da biometría, pola súa responsabilidade en establecer patróns baseados no máximo rigor científico, para o recoñecemento de trazos físicos das persoas, en especial de impresións dixitais e rostro.

Pola súa banda, o profesor Michail I. Jordan desenvolveu técnicas matemáticas e computacionales, como os chamados LMM, Modelos de Linguaxe Multimodal. Son utilizados na aprendizaxe da Intelixencia Artificial, IA, a partir dun gran número de datos, para aplicacións que serven de apoio en decisións de todo tipo.

Jordan acoutou a importancia destas ferramentas na súa relación cos seres humanos. "A aparición dos motores de procura nos 90 fíxonos máis intelixentes. O ChatGPT non é en si unha entidade particularmente intelixente", explica sobre esta aplicación que "permítenos compartir información, algo vital que nos fai máis intelixentes".

FONTE: Alfredo Merino/elmundo.es