CANTO SABES SOBRE OS PEIXES? IX

Continúo co a serei adicada aos peixes, eses animais vertebrados primariamente acuáticos, xeralmente ectotérmicos (regulan a súa temperatura para partir do medio ambiente) e con respiración por branquias. Adoitan estar recubertos por escamas, e están dotados de aletas, que permiten o seu movemento continuo nos medios acuáticos, e branquias, coas que captan o osíxeno disolto na auga.

A contestación correcta á pregunta de onte é Non completamente verdadeiro. A maior parte dos peixes presentan reprodución ovípara, é dicir, expulsando ovos ao exterior. Aínda que tamén existen peixes vivíparos, como é o caso dalgunhas quenllas e dalgúns peixes de auga doce, nos que o embrión desenvólvese dentro do útero da femia. Outras especies, como a quenlla tigre, son ovovivíparas; trátase de peixess que nacen de ovos que eclosionan dentro da femia. A fecundación externa é a máis habitual nos peixes; as femias expulsan os óvulos e os machos o esperma na auga, onde leva a cabo a fecundación. Neste caso, moitos ovos corren o risco de ser devorados polos depredadores. Outros peixes como os celacantos e os peixes cartilaxinosos (quenllas e raias) presentan, con todo, fecundación interna. As quenllas e raias macho presentan dous órganos copuladores, os pterigópodos, que realizan a función de penes. Este tipo de reprodución é máis segura e o número de crías é menor, xa que as probabilidades de supervivencia son moito máis altas.

E imos coa pregunta de hoxe!

9. A maioría dos peixes posúen órganos sensoriais moi desenvolvidos. Case todos os peixes á luz do día teñen unha visión da cor que é polo menos tan boa como a dun humano. Moitos peixes tamén teñen quimiorreceptores que son responsables dos extraordinarios sentidos do gusto e o olfacto. Aínda que teñen oídos, é posible que moitos peixes non escoiten moi ben. A maioría dos peixes teñen receptores sensibles que forman un sistema que detecta correntes e vibracións suaves, e detecta o movemento dos peixes e presas próximas, chamado…

Mañá a solución e una nova proposta!

FONTE: es.wikipedia.org     Imaxes: ecologiaverde.com e okdiario.com