O incrible poder dos nosos sentidos

A súa capacidade para comunicar ciencia de maneira accesible e entretida, converteu a Diego Golombek nun dos científicos máis queridos e respectados de Arxentina. Segundo afirma: “A ciencia está en tódolos lados, na vida cotiá. A ciencia é iso que che pasa cando non te dás conta”. Golombek é doutor en Ciencias Biolóxicas e especialista en cronobiología, a disciplina que estuda os ritmos biolóxicos nos seres vivos, as súas alteracións e os mecanismos de regulación; como o soño, a actividade cerebral ou o sistema endócrino. Asegura que os seres humanos somos “un cerebro con patas, pero tamén un reloxo ambulante”, referíndose á importancia destes ritmos á hora de planificar as nosas vidas: “O soño é tan vital como comer. É fundamental escoitar o noso reloxo biolóxico e aplicalo na nosa vida”. Diego Golombek defende con fervor o poder da curiosidade e o pensamento científico: “Se un pensa cientificamente, cae un pouco menos nos rumbos, é menos prexuizoso, non acepta calquera argumento, pide evidencia”. Para el, esta forma de analizar a realidade inflúe na empatía e na forma que entendemos o mundo: “Iso fainos ser mellores cidadáns e mellores persoas”, conclúe.

Diego Golombek é licenciado e doutor en Bioloxía da Universidade de Bos Aires. É investigador superior do CONICET, profesor na Universidade de San Andrés e profesor titular na Universidade Nacional de Quilmes. Foi Director Executivo do Instituto Nacional de Educación Tecnolóxica (INET) e presidente da Sociedade Arxentina de Neurociencias. Publicou ao redor de 180 artigos científicos e 20 libros, e realizado ciclos televisivos e exposicións interactivas. Recibiu, entre outros, o premio nacional de ciencias “Bernardo Houssay”, a bolsa Guggenheim, o premio Konex de Platino en comunicación, o Premio Latinoamericano de Popularización das Ciencias e a Orde das Palmas Académicas do goberno de Francia. Foi nomeado personalidade destacada das ciencias na cidade de Bos Aires, e coordinou o Programa Nacional de Popularización de Ciencia e Innovación. A UNESCO outorgoulle o premio Kalinga, a maior distinción a nivel mundial en popularización da ciencia.