Xa vos contamos que non existe nin *telón nin *teloneiro en galego. Hoxe tocounos refacer un capítulo xa emitido, debido a un cambio de criterio da RAG con respecto á expresión ’cortina de aceiro’, que xa non considera válida.
Sabías que... Dash -e Lut (Irán) é considerado, segundo os expertos da NASA, como o máis caloroso e inhóspito do planeta. A temperatura máxima rexistrada foi de 86, 8°C, a máxima xamais alcadada. Aínda que Irán é, de seu, un lugar bastante caloroso, as novas medicións reflectiron que este deserto, un dos máis grandes do mundo, está bastante por encima do Val da Morte en Estados Unidos con 56,7ºC. A calor é tan insoportable que practicamente ningunha forma de vida pode existir (a non ser que nos acordemos dos nosos irredutibles tardígrados).
FONTE: Sarah Romero/muyinteresante.es
Remato coa Canto sabes sobre os Xogos Olímpicos, no que se pon a proba os teus coñecementos sobre os mesmos.
A contestación correcta á pregunta de onte, e última da serie, é París (Francia). Os Xogos Olímpicos de París 2024, oficialmente coñecidos como os Xogos da XXXIII Olimpíada, levaranse a cabo entre o 26 de xullo e o 11 de agosto de 2024 na cidade de París. Esta será a segunda cidade (ademais de Londres) en albergar tres veces as Olimpíadas, tras 1900 e 1924, ademais estes Xogos Olímpicos marcarán o centenario dos últimos levados a cabo en chan parisiense.
Alí nos veremos!
Así remato esta serie que só pretendeu recordar aspectos da historia deste evento multideportivo internacional.
Ata a próxima serie!
FONTE: Idea orixinal propia a partir de información de wikipedia.org Imaxe: es.wikipedia.org
Rodrigo e Esther organizaron unha boa festa para pechar esta temporada do #ApuntamentoLusófono en Twitch! Cantaron, coñeceron a João Simões e ata fixeron unha proba final para saber quen aprendeu máis durante estes meses!
Continúo coa serie Canto sabes sobre os ríos, na que a través de preguntas refrescaremos os coñecementos sobre os ríos do mundo e de España, que aprendemos en xeografía.
A contestación correcta á pregunta de onte é Tormes. É un río, afluente do Douro pola súa marxe esquerda, que discorre polas provincias de Ávila, Salamanca e Zamora, na comunidade autónoma de Castela e León. Nace no prado Tormejón, no municipio de Navarredonda de Gredos, en plena serra de Gredos. Desemboca ao río Douro entre os termos municipais de Fermoselle e Villarino de los Aires, na zona coñecida popularmente como Ambasaguas, tras un percorrido de 284 km.
E imos coa pregunta de hoxe!
21. Á vista da fotografía superior, cal é o nome diste río español?
- Odiel
- Negro
- Tinto
- Teleno
Mañá a solución e última pregunta da serie!
FONTE: Idea orixinal fundacionaquae.org, viajes.nationalgeographic.com.es e gl.wikipedia.org
“Everest” é unha palabra reconocible para unha gran parte da humanidade. É fácil de lembrar e ten unha pronuncia sinxela e común nas principais linguas, o cal parecería expresamente elixido para un fito xeográfico tan prominente en todos os sentidos. Con todo, houbo alguén que non estaba de acordo en que o monte máis alto da Terra levase este nome. E non era outro que o británico Sir George Everest, precisamente aquel cuxo apelido foi elixido para designar o teito do mundo.
George Everest foi un dedicado agrimensor na India / Wikimedia
Aínda que na idade dourada da exploración era frecuente que os expedicionarios deixasen os seus propios nomes nalgún dos lugares que visitaban, este non é un deses casos; de feito, George Everest (4 de xullo de 1790 – 1 de decembro de 1866) nunca chegou a ver cos seus propios ollos o monte que levaría o seu nome. Aínda que sen dúbida non lle faltaron méritos para deixar pegada na historia da xeografía, a súa non foi a historia romántica do explorador, senón a máis técnica e calada do agrimensor.
De familia arraigada no barrio londiniense de Greenwich, Everest afastouse das súas raíces aos 16 anos para exercer a súa carreira militar na India. A súa facilidade para as matemáticas e a astronomía pronto levárono a asumir funcións de agrimensura, ata que en 1818 foi requirido como axudante principal por William Lambton, o director do Gran Proxecto de Topografía Trigonométrica.
Desde 1802 esta iniciativa tiña por obxecto executar unha medición precisa de todo o subcontinente indio, e Everest foi asignado a unha tarefa moi coidadosa: continuar a medición dun arco de meridiano desde a punta meridional da península ata Nepal, ao longo duns 2.400 km. A dedicación de Everest foi recompensada co nomeamento como superintendente do proxecto á morte de Lambton en 1823 e desde 1830 co cargo de Agrimensor Xeral da India, que desempeñou ata o seu retiro en 1843.
Quizá o máis notorio dos seus anos de traballo de campo foron as múltiples enfermidades que contraeu. A malaria era case ineludible, pero a ela uníase outra lista de doenzas que un estudo de 2013 tratou de identificar e enumerar: febre tifoidea, hepatite, enfermidade do bosque de Kyasanur (unha febre hemorráxica vírica transmitida por garrapatas), unha neuropatía periférica e problemas de visión que convidan a sospeitar esclerose múltiple, radiculopatía cervical (un nervio pinzado no pescozo), síndrome de Guillain-Barré (un trastorno autoinmune do sistema nervioso) e posible neurosífilis, ao que se unían episodios de síntomas mentais identificados coa chamada enfermidade do Sombrereiro Tolo, causada pola inxesta de mercurio, que Everest tomaba en grandes doses para tratar as súas doenzas.
A pesar do seu máis que delicada saúde, Everest foi un traballador infatigable e concienzudo, o que lle abriu as portas de varias institucións científicas, incluíndo a prestixiosa Royal Society. Tras a súa xubilación e o seu regreso a Inglaterra, o seu posto na India ocupouno o seu pupilo, Andrew Scott Waugh, quen en 1841 completara a medición do meridiano no norte e pousado os seus ollos no que entón era un máis dos picos nevados do Himalaia. Non foi ata 1852 cando o matemático indio bengalí Radhanath Sikdar, o xefe do equipo de “computadores”, informou a Waugh de que o chamado Pico XV era o máis alto do mundo, cunha elevación calculada de exactamente 29.000 pés, 8.839,2 metros (hoxe corrixida a 8.848 metros).
Andrew Scott Waugh foi pupilo de Everest e completou as súas medicións / Wikimedia
Waugh tomouse uns anos para confirmar os cálculos, e en 1856 anunciou os seus resultados á Royal Geographical Society, propoñendo para a máis alta das cimas terrestres o nome do seu predecesor: monte Everest. Tanto Waugh como antes o seu mentor adoitaban adoptar os nomes locais para os accidentes xeográficos que describían. Pero neste caso a propia montaña quedaba fóra dos límites do dominio británico e os pobos de máis ao sur, argumentaba Waugh, non se referían a aquel cume por un único nome.
Tras un longo debate, por fin en 1865 adoptouse oficialmente a designación proposta por Waugh. Pero a idea contou cunha inesperada resistencia: a do propio Everest, quen obxectaba que o seu apelido non podía escribirse en lingua hindi e que era difícil de pronunciar para os nativos. Anecdóticamente, en certo xeito podería dicirse que a oposición de Everest deu os seus froitos: mentres que o nome da montaña tende a pronunciarse segundo a súa escritura literal, en cambio o apelido de Sir George pronunciábase “if-rest”.
Carta de Waugh á Royal Geographical Society na que propoñía o nome Everest para o monte / Wikimedia
FONTE: Javier Yanes/bbvaopenmind.com/ciencia
Temos veciños pero non temos *vecindarios! Esther Estévez ten a solución galega neste novo capítulo!
Continúo coa Canto sabes sobre os Xogos Olímpicos, no que se pon a proba os teus coñecementos sobre os mesmos.
A contestación correcta á pregunta de onte é Río de Xaneiro. Oficialmente coñecidos como os Xogos da XXXI Olimpíada, ou máis comunmente como Río 2016, foi un evento multideportivo internacional, celebrado na cidade de Río de Xaneiro (Brasil) entre o 5 e o 21 de agosto de 2016, aínda que a fase de grupos do torneo de fútbol comezou o 3 de agosto na rama feminina e o 4 de agosto na rama masculina.
E imos coa pregunta de hoxe e última da serie!
12. Onde se celebrarán os próximos Xogos Olímpicos de verán 2024?
- Os Ánxeles (EE UU)
- París (Francia)
- Brisvane (Australia)
Mañá a solución e remate da serie!
FONTE: Idea orixinal propia a partir de información de wikipedia.org Imaxe: unotv.com