COMUNICADOS

XIII ANIVERSARIO

13 anos de vida / Imaxe: galeria.dibujos.net

Cumpre este blog 13 anos de vida. Comenzou alá polo 5 de agosto de 2007 e dende aquela pasaron moitas cousas: traballaba, xubileime, unha pandemia... En datos, iste é o resumo:

Visitas ata hoxe:  334.222

Visitas no último ano:  9.706                      

Promedio mensual: 809 visistas/mes

Nº artigos publicados no último ano: 1.095

Promedio mensual: 91 artigos/mes

Visitas ata agosto de 2019: 324.516

Visitas ata agosto de 2018: 305.593

Visitas ata agosto de 2017: 265.645

Visitas ata agosto de 2016: 216.744

Visitas ata agosto de 2015: 165.935

Visitas ata agosto de 2014: 137.408

Visitas ata agosto de 2013: 117.568

Visitas ata agosto de 2012: 89.980

Visitas ata agosto de 2011: 56.615

Visitas ata agosto de 2010: 20.746

Visitas ata agosto de 2009: 13.780  

Visitas ata agosto de 2008:   5.588  

A todos e todas moitas grazas, pois sen vós esto non tería ningún sentido. Seguirei traballando sempre que estedes detrás.

MEDIDAS EDUCATIVAS PARA O CURSO 2020/2021

Instrucións do 30 de xullo 2020, da Dirección Xeral de Educación, Formación Profesional e Innovación Educativa, en relación ás medidas educativas que se deben adoptar no curso académico 2020/2021, nos centros docentes da Comunidade Autónoma de Galicia nos quese imparten as ensinanzas da educación infantil, da educación primaria, da educaciónsecundaria obrigatoria e do bacharelato.

Para ver estas medidas preme AQUÍ.

FONTE: Consellería de Educación, Universidade e Formación Profesional  Imaxe: ultimahora.es

PROTOCOLO DE ADAPTACIÓN AO CONTEXTO DA COVID-19 NOS CENTROS DE ENSINO NON UNIVERSITARIO DE GALICIA PARA O CURSO 2020/2021

En setembro volven as clases. Como será o proximo curso escolar coa pandemia?

Na resolución conxunta das Consellerías de Educación, Universidade e Formación Profesional e de Sanidade pola que se aproba o protocolo de adaptación ao contexto da COVID-19 para o inicio do desenvolvemento da actividade lectiva no curso académico 2020/2021 nos centros de ensino non universitarios de Galicia, tes a contestación.

Para saber todo sobre iste asunto preme AQUÍ.

FONTE: edu.xunta.gal  Imaxe: Unha aula, en Noia/Miguel Muniz/abc.es

OBRIGATORIEDADE DO USO DAS MÁSCARAS

O DOGA de hoxe, publica a normativa sobre a obrigatoriedade do uso de máscaras. A obriga xeral será para as persoas de seis ou máis anos o seu uso, en todo momento, tanto cando se estea na vía pública e en espazos ao aire libre como cando se estea en espazos pechados de uso público ou que se encontren abertos ao público, aínda que se poida garantir a distancia de seguridade interpersoal de 1,5 metros.

Para coñecer as regras específicas do seu uso, así como as excepcións do seu uso prema AQUÍ.

Este acordo producirá efectos desde o día seguinte á data da súa publicación no Diario Oficial de Galicia, é dicir esta madrugada, ás 00:00 do domingo 19 de xullo.

A saúde ben merece unha mácara!

CALENDARIO ESCOLAR 2020/2021

Hoxe publicoase no DOGA o calendario escolar para o curso 2020/2021 nos centros docentes sostidos con fondos públicos na Comunidade Autónoma de Galicia.

No 2º ciclo de educación infantil, na educación primaria e na educación especial, a impartición efectiva de clases realizarase do día 10 de setembro de 2020 ao 22 de xuño de 2021, ambos inclusive.

Na educación secundaria obrigatoria, no bacharelato e na formación profesional, a impartición efectiva de clases realizarase do día 16 de setembro de 2020 ao 22 de xuño de 2021, ambos inclusive.

Os períodos de vacacións serán: Nadal (desde o día 23 de decembro de 2020 ata o día 7 de xaneiro de 2021, ambos inclusive), Entroido (días 15, 16 e 17 de febreiro de 2021) e Semana Santa (desde o día 27 de marzo ata o 5 de abril de 2021, ambos inclusive).

Días non lectivos: Día do Ensino (7 de decembro de 2020) e ata 2 días propostos polo Centro (nos centros en que unha ou as dúas festas laborais de carácter local non coincidan con días de clase).

Para máis información sobre iste calendario preme AQUÍ.

Iso si, con permiso da pandemia!

COMEZA O VERÁN 2020

 

Hoxe, 20 de xuño,  ás 23 horas e 44 minutos hora oficial peninsular, comezará o verán.

Esta estación durará 93 días e 15 horas, e rematará o 22 de setembro co comezo do outono.

Aínda que sexa atípico, disfrutádeo, iso si, seguindo as indicacións sanitarias. Con sentidiño!

CAMBIO DE HORAR: HORARIO DE VERÁN 2020

Esta note, na madrugada do sábado 28 ao domingo 29 de marzo de 2020, producirase o cambio de hora, comenzando o horario de verán. Ás 2:00 horas haberá que adiantar os reloxos ás 3:00 horas, polo que durmiremos 1 hora menos e o día terá 23 horas. Por desgraza, nesta ocasión, a maioría da poboación pouco lle importa, pois estamos confinados.

Cando remataremos con esta historia!

Imaxe: noticiascyl.com

MANCOMÚN: SOLIDARIDARIDADE UNIVERSITARIA

En tempos de corentena, a solidariedade é vital. E máis cando o curso académico segue en marcha a través dos campus virtuais. O banco de apuntamentos creado durante o curso pasado por Asolaga ( Asemblea Nacional das Estudantes Galegas) rexistrou un aumento do material compartido estes días polos estudantes das tres universidades galegas e, nalgúns casos, desde carreiras que aínda non formaban parte do catálogo.

"Creamos a plataforma Mancomún para xerar comunidade na contorna académica e fomentar o compañeirismo fronte a venda de apuntamentos e a competitividade que se fomenta na universidade. E agora relanzámola porque é unha ferramenta moi útil tamén para contrarrestar a falla de clases presenciais. Estamos recibindo máis material e irémolo subindo estes días", comenta o vigués Bruno Arias, alumno de Comunicación Audiovisual na USC e un dos encargados de xestionar o banco.

O acceso aos apuntamentos é completamente libre e os "doantes" poden descargar o seu material en calquera formato: pdf, power point, audios e mesmo vídeos.

Desde Asolaga tamén están moi pendentes de que a implantación da  teledocencia nas tres universidades fágase con garantías e responden a todas as dúbidas que lles xurdan aos estudantes nestes momentos.

Se estás interesado preme AQUÍ.

FONTE: Sandra Penelas/farodevigo.es