COMUNICADOS

AXUDAS ADQUISICIÓN LIBROS DE TEXTO PARA O CURSO 2012/2013

Libros de texto / Imaxe:alcazabapapeleria.com

A Consellería de Educación convoca axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial en centros sostidos con fondos públicos da Comunidade Autónoma de Galicia, no curso escolar 2012/2013.

Estes son os requisitos:

1. Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial, nun centro sostido con fondos públicos da Comunidade Autónoma de Galicia durante o curso escolar 2012/2013, e non repetir curso neste ano académico. Non obstante, o alumnado que repita 1º ou 2º de educación primaria poderá solicitar a axuda, xa que neste ciclo emprégase material que non pode ser reutilizado.

2. Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.

3. Para o alumnado de educación primaria e educación secundaria obrigatoria ter unha renda per cápita familiar igual ou inferior a 9.000 euros. Para a determinación da renda per cápita familiar terase en conta o disposto no artigo 6 da orde de convocatoria.

Para máis información preme AQUÍ.

FONTE:Consellería de Educación e O. Universitaria

TALLER DE NÓS MARIÑEIROS

 

Hoxe, 18 de maio, ás 17 horas, co gallo do Día Internacional dos Museos, vaise celebrar no Museo do Mar da Guarda un obradoiro de nós mariñeiros, dirixido principalmente ós nenos da vila. O número de prazas será limitado para asegurar un correcto desenvolvemento.Os interesados teñen que dirixirse ó Departamento de Cultura do Concello da Guarda ou chamar ao teléfono 986 61 00 00 ext. 5.

FONTE: galiciasuroeste.info

ÚLTIMO TRAMO

Hoxe retomamos as clases e comenza a 3ª Avaliación, que durará ata o día 22 de xuño, venres, no que rematarán as clases oficias. Os días 25, 26 e 27 serán as avaliacións e o día 28 a entrega de notas.

Neste trimestre temos como descanso:

• 1 de maio, martes. (Día do Traballo)
• 17 de maio, xoves. (Día das Letras Galegas)
• 18 de maio, venres. (Día non lectivo escollido polo Centro)

A empezar con ánimo!

VACACIÓNS !

 

Vacacións...! Palabra máxica. Tempo de descanso e recuperación de enerxía para afrontar a última parte do curso. As clases retómanse o día 10 de abril, martes.

Que o padese ben!

CAMBIO DE HORA

Cambio de hora / Imaxe:elecodepinoso.es

Mañá domingo, día 25 de marzo terá lugar  cambio de hora, recuperando o horario de verán. Ás 2:00 da madrugada o reloxo cambiarase ás 3:00, adiantado unha hora, polo que esta noite terá unha hora menos.

En España, esta medida lévase adoptando dende 1974, aínda que a última regulación á que nos adapatamos chegou da man da directiva Europea 2000/84, que entre outras cousas unifica os días nos que se producen os cambios de hora en todos os países da Unión Europea, sendo estes o último domingo de marzo e outubro, respectivamente.

VERÁN 2012: APRENDIZAXE DE LINGUAS ESTRANXEIRAS

A Consellería de Cultura, Educación e Ordenación Universitaria publicou o pasado luns a convocatoria de 2.495 axudas para os alumnos e alumnas que queiran realizar actividades de aprendizaxe de linguas estranxeiras no 2012. A convocatoria vai dirixida ao alumnado de 6º de Primaria e os catro cursos da ESO, que poderán gozar de estadías formativas en ‘vilas inglesas’ en Galicia e de actividades para a aprendizaxe do francés; e aos estudantes de bacharelato e os ciclos de grao superior de Formación Profesional, que desenvolverán as actividades formativas en Canadá, Reino Unido, Francia e Alemaña

Destinos

No caso do alumnado de bacharelato, convócanse prazas para actividades de aprendizaxe de inglés en Canadá e Reino Unido e de francés en Francia, cunha duración de tres semanas. Ademais repetirase unha experiencia especialmente enriquecedora posta en marcha pola actual Consellería, nomeadamente a integración dun grupo de 20 estudantes de 1º de bacharelato durante 4 semanas a principios de curso no sistema educativo canadense, compartindo aulas cos seus alumnos e profesores.

A Consellería convoca tamén, por segundo ano consecutivo, prazas para que o alumnado de ciclos formativos de grao superior realicen actividades de formación en inglés en Canadá e en alemán en Alemaña, cunha duración de 3 semanas.

No caso dosestudantes de 1º, 2º, 3º, e 4º da ESO e 6º de primaria, poderán optar a participar en actividades nas denominadas ‘vilas inglesas’ que se desenvolverán en Galicia durante os meses de xullo e agosto con profesores nativos, así como a prazas destinadas ao aprendizaxe de francés dentro da Comunidade, todas elas en períodos de 2 semanas.

As solicitudes

Os interesados deben inscribirse na dirección web http://www.edu.xunta.es/axudasle, onde tamén se farán públicas as listaxes cos nomes dos alumnos e alumnas que se beneficiarán das achegas.

FONTE: Consellería de Educación e O. U.

CAMPAMENTOS VERÁN 2012

A Xunta de Galicia organiza Acción de Verán 2012, no marco da Campaña de Verán 2012, con campamentos de verán para mozos e mozas de entre 9 e 17 anos. A Dirección Xeral de Xuventude e Voluntariado publicou no  Diario Oficial de Galicia (DOG), de 09 de febriero 2012, as tarifas e prezos correspondentes aos campamentos de verán, albergues e campos de traballo durante o ano 2012.

No Diario oficial de Galicia (GOG) de onte, publicase a ORDE do 29 de febreiro de 2012 pola que se regula a oferta de prazas xuvenís dentro do programa Campaña de verán 2012 e se procede á súa convocatoria.

O prazo de presentación de solicitudes iniciase hoxe e ata o  día 20 de marzo. Se estás interesado e queres coñecer os requisitos e acceder á solicitude só tes que pinchár AQUÍ.

DE VOLTA ÁS CLASES

Non queda outro remedio. As vacacións remataron. Hoxe comenza a 2ª Avaliación, que durará ata o 30 de marzo (último día de clase e entrega de notas).

Neste trimestre teremos uns día de descanso no Entroido (20,21 e 22 de febreiro).

Espero que empecemos con gañas, pois hai que pensar que é un trimeste fundamental pois vainos posicionar claramente de cara a última avaliación e resultados finais.

Boa sorte a tod@s!