DOCENCIA

CANTO SABES DE BULGARIA?

Bulgaria é un país situado ao sur de Europa, un dos vinte e sete Estados soberanos que forman a Unión Europea.

Ademais da gran beleza de moitos dos seus lugares, e da importancia da natureza en todo o seu territorio, destaca pola súa gran riqueza cultural, que recibiu influencias de diversas culturas e, debido a iso, é unha mestura de todas elas, do occidental e o oriental unidos de forma harmoniosa, que se atopan nunha cultura diferente, única e excepcional. Diversas civilizacións, os tracios, os gregos, os romanos, os eslavos, etc. formaron o numeroso e importante patrimonio cultural deste país, declarado parte do Patrimonio Cultural pola UNESCO.

 Propónoche coñecer algo deste país. Anímaste? Si, pois comezamos!

1. Cal é a capital de Bulgaria?

- Pleven

- Sofía

- Montana

- Varna

Mañá a solución e unha nova proposta.

FONTE: viralizalo.com e es.wikipedia.org         Imaxes: es.wikipedia.org  e viralizalo.com

#DígochoEu: Coñeces as partes da gaita?

A gaita, ese instrumento musical tan nosos! Pero coñeces as úas partes? Pois aquía as tes!

#DígochoEu

#DígochoEu: Ollo! O verbo 'testar' non é o que parece!

Coidado con este verbo!

#DígochoEu

#DígochoEu: 'Arreconchegarse', outra palabra 'cuqui'

No noso idioma hai moitas palabras ’cuquis’. Hoxe tócalle a ’Arreconchegarse’.

#DígochoEu

ADIVIÑA O CIENTÍFICO XVI (FIN)

Remato coa serie adicada aos científicos, que co seu celo, paixón, dedicación, traballo duro e esforzo axudoulles a descubrir algo novo sobre o mundo en que vivimos.

A contestación correcta á pregunta de onte, e última da serie, é Antonio Meucci. Antonio Santi Giuseppe Meucci, nado en Florencia o 13 de abril de 1808 e finado en Nova York o 18 de outubro de 1889, foi un inventor italiano, coñecido como o creador do teléfono.

En 1856 Meucci construíu un teléfono eletromagnético para conectar o seu escritorio co seu cuarto localizado no segundo andar, por causa do reumatismo da súa esposa. Pero, debido a dificultades financeiras, Meucci apenas conseguiu pagar a patente da súa invención. Acabou vendendo o prototipo do teléfono a Alexander Graham Bell, que en 1876  patentouno como invención súa. Meucci denunciouno, mais acabou falecendo durante o xuízo e o caso foi cerrado. Así, Bell foi considerado durante moitos anos como inventor do teléfono, mais o traballo de Meucci foi recoñecido postumamente o 11 de xuño de 2002 cando o Congreso dos Estados Unidos aprobou a resolución Nº. 269 na cal se recoñeceu que o inventor do teléfono foi, na realidade, Meucci e non Alexander Graham Bell.

E así remato esta serie, que seguro que terá continuidade, e que tratou de pór en valor aos científicos/as, que na súa vida soportaron penurias e duificultades.

Ata a próxima serie!

FONTE: Sarah Romero/muyinteresante.es e  es.wikipedia.org     Imaxes: es.wikipedia.org

#DígochoEu: Non confundas 'devagar' con 'debagar'

Coiado con estas dúas palabras, son correctas pero teñen significados totalmente distintos!

#DígochoEu

ADIVIÑA O CIENTÍFICO XV

Continúo coa serie adicada aos científicos, que co seu celo, paixón, dedicación, traballo duro e esforzo axudoulles a descubrir algo novo sobre o mundo en que vivimos.

A contestación correcta á pregunta de onte é Caroline  Herschel. Nada en Hannover o 16 de marzo de 1751 e finada en Hannover o 9 de xaneiro de 1848. Foi unha astrónoma alemá que viviu tamén en Inglaterra. Traballou co seu irmán Sir William Herschel na elaboración dos seus telescopios e nas súas observacións. Descubriu oito cometas, dos cales seis levan o seu nome, entre os que destaca o cometa periódico 35P/Herschel-Rigollet atopado o 21 de decembro de 1788.

E imos coa pregunta de hoxe e última da serie!

15. O invento do teléfono foi atribuído a Alexander Grahanm Bell, pero no foi el realmente. Quen foi entón o seu inventor?

- Elis Gray

- Charles Bourseul

- Antonio Meucci

Mañá a solución e remate da serie!

FONTE: Adaptación propia de Sarah Romero/muyinteresante.es e es.wikipedia.org     Imaxes: es.wikipedia.org

ADIVIÑA O CIENTÍFICO XIV

Continúo coa serie adicada aos científicos, que co seu celo, paixón, dedicación, traballo duro e esforzo axudoulles a descubrir algo novo sobre o mundo en que vivimos.

A contestación correcta á pregunta de onte é Galileo Galilei. Nado en Pisa o 15 de febreiro de 1564 e finado en Arcetri o 8 de xaneiro de 1642, foi un astrónomo Italiano, filósofo, e físico, asociado coa revolución científica. Eppur se muove (’e, con todo, móvese’) é a hipotética frase en italiano que, segundo a tradición, Galileo Galilei pronunciaría despois de abxurar da visión heliocéntrica do mundo ante o tribunal da Santa Inquisición en 1633. Na actualidade, esta frase úsase para expresar que, aínda que se negue a veracidade dun feito, este feito é verídico.

E imos coa pregunta de hoxe!

14. Quen foi a primeira muller en descubri un cometa (descubriu oito)?

- Caroline Herschel

- Nattie Stevens

- Jocelyn Bell Burnell

Mañá a solución e unha nova pregunta!

FONTE: Sarah Romero/muyinteresante.es e muyinteresante.es    Imaxes: es.wikipedia.org