DOCENCIA

CANTO SABES DE ANATOMÍA? XVII

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Próstata. É un órgano glandular do aparato xenitourinario, exclusivo dos homes, con forma de castaña, localizada enfronte do recto, debaixo e á saída da vexiga urinaria. Contén células que producen parte do líquido seminal que protexe e nutre os espermatozoides contidos no seme.

E imos coa pregunta de hoxe!

17. O óso parietal atópase...

- Na parte frontal do cranio

- Na parte posterior do cranio

- Ningunha das anteriores é correcta

Mañá a solución e unha nova pregunta!

FONTE: Idea orixinal alfalr.com, gal.wikipedia.org e daypo.com            Imaxe: atmfisio.com

CANTO SABES DE ANATOMÍA? XVI

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Trompa de Falopio. As trompas de Falopio, tamén chamadas tubas uterinas ou ovidutos, do aparato reprodutor feminino son dous finos tubos tapizados con epitelio ciliado, un na parte esquerda e outro na dereita, que van dos ovarios ao útero. No oído si está a trompa de Eustaquio (coñecida así a partir do século XVI en honra do anatomista Eustachius), unha estrutura anatómica humana, en forma de tubo, habitualmente pechada, que se estende desde a caixa do tímpano ata a rexión rinofarínxea.

E imos coa pregunta de hoxe!

16. Identifica o número 4 da imaxe.

- Testículo

- Próstata

- Vexiga

Mañá a solución e unha nova pregunta!

FONTE: Idea orixinal alfalr.com e gal.wikipedia.org

#DígochoEu​: Aprende a distinguir vogais abertas e pechadas (Capítulo 22)

 

Velaquí un novo capítulo sobre fonética! Que teñen en común case todas as palabras acabadas en -ello e -ella?

#DígochoEu

#DígochoEu:​ Non digas *cardiaco nin *periodo

 

Sabes cal é o erro nestas dúas palabriñas? Esther Estévez Casado cóntanolo neste novo episodio!

#DígochoEu

CANTO SABES DE ANATOMÍA? XV

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Bíceps femoral. Tamén chamado bíceps crural, é un músculo da zona externa na rexión posteroexterna da coxa. Forma parte do compartimento posterior composto por tres músculos denominados, músculos isquiosurales,: 1) bíceps femoral 2) semitendinoso, 3) semimembranoso.

E imos coa pregunta de hoxe!

15. Un dos seguintes termos non ten relación co oído. Cal é?

- Bigornia

- Estribo

- Timpano

- Tompa de Falopio

- Martelo

Mañá a solución e unha nova pregunta!

FONTE: Idea orixinal alfalr.com e gal.wikipedia.org    Imaxe: audifon.es

CANTO SABES DE ANATOMÍA? XIV

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é 3 o dereito e 2 o esquerdo. O pulmón dereito está dividido por dúas fisuras (horizontal e  oblicua) en 3 partes ou  lóbulos (superior, medio e inferior). O pulmón esquerdo ten dous  lóbulos (superior e inferior) separados por unha fisura (oblicua).

E imos coa pregunta de hoxe!

14. Como se chama iste músculo?

- Bíceps femoral

- Xemelgo

- Sóleo

Mañá a solución e unha nova pregunta!

FONTE: Idea orixinal alfalr.com, gal.wikipedia.org e viralizalo.com        Imaxe: quiz.upsocl.com

#DígochoEu:​ Non digas *achádego

 

Esta palabra aparece nunha chea de dicionarios antigos, pero a RAG non a recolle. Neste episodio Esther Estévez Casado cóntanos que alternativas hai!

#DígochoEu

CANTO SABES DE ANATOMÍA? XIII

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é A pel. É o órgano máis grande do corpo humano, ocupando, nun adulto, unha extensión de 2 m² e un peso 4,1 kg. Ten un espesor que oscila entre 0,5 mm nas pálpebras e 4 mm no talón. Trátase dun órgano vivo con capacidade de rexenerarse, é impermeable, resistente e flexible, respira e mantense activo as 24 horas do día realizando todo tipo de accións fundamentais para o noso organismo, sendo un órgano vital para o corpo humano.

E imos coa pregunta de hoxe!

13. En cuantos lobos está dividido cada pulmón?

- 2 o dereito e 3 o esquerdo

- 3 cada un

- 3 o dereito e 2 o esquerdo

Mañá a solución e unha nova pregunta!

FONTE: Idea orixinal alfalr.com,  gal.wikipedia.org e viralizalo.com        Imaxe: abc.es/salud