#DígochoEu: Mellor non digas inmiscuírse
Non é que estea mal ’inmiscuírse’, pero Esther Estévez Casado explícanos que outras formas podes usar en galego!
DOCENCIA
CANTO SABES SOBRE A PRIMEIRA GUERRA MUNDIAL? IV
Continúo coa serie Canto sabes sobre a Primeira Guerra Mundial, un conflito bélico mundial que tivo lugar entre 1914 e 1918 e que involucrou a todas as grandes potencias do mundo, na que morreron máis de nove millóns de combatentes. A contestación correcta á pregunta de onte é Rusia, Francia e o Imperio Británico (Tripla Entente) / Alemaña, Austria-Hungría e Italia (Tripla Alianza). A pesar de formar parte da Tripla Alianza, Italia decidiu non apoiar aos seus aliados xa que consideraba que a natureza do pacto era defensiva. Posteriormente entrarían na guerra no bando oposto.
E imos coa pregunta de hoxe!
4. A batalla de Verdún foi tamén una das máis longas do conflito. Cantos días durou?
- 214 días
- 242 días
- 303 días
Mañá a solución e unha nova pregunta!
FONTE: Idea orixinal historia.nationalgeographic.com.es
#DígochoEu: Non digas 'i' cando tes que dicir 'e'
Este erro é moi común! Esther Estévez Casado explicamos que a conxunción ’e’ lese ’e’ sempre.
#DígochoEu
CANTO SABES SOBRE A PRIMEIRA GUERRA MUNDIAL? III
Continúo coa serie Canto sabes sobre a Primeira Guerra Mundial, un conflito bélico mundial que tivo lugar entre 1914 e 1918 e que involucrou a todas as grandes potencias do mundo, na que morreron máis de nove millóns de combatentes. A contestación correcta á pregunta de onte é Francisco Fernando. O 28 de xuño de 1914 o nacionalista serbobosnio Gavrilo Princip (de 17 anos e pertencente á organización Xove Bosnia, que recibía o apoio da Man Negra serbia) disparou mortalmente ao archiduque Francisco Fernando, herdeiro da coroa do Imperio austrohúngaro, e á súa esposa, a condesa Sofía Chotek, en Saraxevo. O atentado foi o pretexto usado por Austria-Hungría para comezar as hostilidades da Gran Guerra.
E imos coa pregunta de hoxe!
3. Quen formaban as dúas grandes alianzas previas á Primeira Guerra Mundial?
- Italia, Francia e o Imperio Británico (Tripla Entente) / Alemaña, Austria-Hungría e Bulgaria (Tripla Alianza)
- Rusia, Francia e o Imperio Británico (Tripla Entente) / Alemaña, Austria-Hungría e o Imperio Otomán (Tripla Alianza)
- Rusia, Francia e o Imperio Británico (Tripla Entente) / Alemaña, Austria-Hungría e Italia (Tripla Alianza)
Mañá a solución e unha nova pregunta!
FONTE: Idea orixinal historia.nationalgeographic.com.es
#DígochoEu: Non digas 'non teño medo *algún'
’Non teño medo *algún’. Ves o erro? En galego non facemos as negacións así! Esther Estévez Casado dinos a forma correcta de facelo.
#DígochoEu
#DígochoEu: Non digas *cupo
Hai diversas formas polas que podemos substituír *cupo en galego. Coñécelas? Esther Estévez Casado dínolas.
CANTO SABES SOBRE A PRIMEIRA GUERRA MUNDIAL? II
Continúo coa serie Canto sabes sobre a Primeira Guerra Mundial, un conflito bélico mundial que tivo lugar entre 1914 e 1918 e que involucrou a todas as grandes potencias do mundo, na que morreron máis de nove millóns de combatentes. A contestación correcta á pregunta de onte é o 28 de xullo de 1914, coa declaración de guerra de Austría-Hungría a Serbia. Austría-Hungría foi a primeira nación en declarar a guerra, e a partir de aí o armazón de pactos e alianzas lanzou unha reacción en cadea que terminou cunha Europa dividida.
E imos coa pregunta de hoxe!
2. O asasinato de que dirixente foi un dos desencadenamentos da Primeira Guerra Mundial?
- Guillermo II
- Francisco Fernando
- Francisco José
Mañá a solución e unha nova pregunta!
FONTE: Idea orixinal historia.nationalgeographic.com.es Imaxe: dw.com/es
CANTO SABES SOBRE A PRIMEIRA GUERRA MUNDIAL?
“Con espanto crecente foi dándose conta o home na Primeira Guerra Mundial e, certamente, aos dous lados da trincheira, que se achaba entregado a potencias inabordables que, aínda que parecían gardar relación coa vontade dos homes, desatábanse de continuo, burlábanse de todos os propósitos humanos e traían consigo a destrución de todos. Así se atopou o home fronte ao feito máis terrible: era como o pai duns demos que non podía suxeitar”.
Martin Buber
Hoxe comezo unha nova serie adicada, neste caso, á Primeira Guerra Mundial, un conflito bélico mundial que tivo lugar entre 1914 e 1918 e que involucrou a todas as grandes potencias do mundo, que se aliñaron en dous bandos enfrontados: por unha banda, os Aliados do Triplo Acordo, e por outro, as Potencias Centrais da Tripla Alianza. Morreron máis de nove millóns de combatentes.
Imos poner a proba os teus coñecementos sobre a mesma, recordando, no mellor dos casos, ou investigando sobre esta lamentable contenda.
Comezamos!
1. En que data e como arrincou o conflito?
- O 1 de agosto de 1914, coa declaración de guerra de Alemaña a Rusia
- O 28 de xullo de 1914, coa declaración de guerra de Austría-Hungría a Serbia
- O 4 de agosto de 1914, coa declaración de guerra do Imperio Británico a Alemaña
Mañá a solución e unha nova pregunta!
FONTE: Idea orixinal historia.nationalgeographic.com.es Imaxe collage: wikipedia.org