FOTOS

WORLD PRESS PHOTO

Fotografía gañadora do World Press Photo / AFP/Xornal El Mundo

O fotoperiodista venezolano Ronaldo Schemidt recibiu o pasado xoves en Amsterdam o premio World Press Photo por unha imaxe que retrata a queima accidental dun manifestante da oposición durante uns disturbios en Caracas, en maio de 2017. A instantánea recolle o momento no que José Víctor Salazar, de 28 anos, corre envolvido en chamas ao ser alcanzado por un chorro de gasolina proveniente dunha moto da Garda Nacional Bolivariana, que foi capturada e incendiada polos manifestantes cun cóctel molotov.

O mozo, convertido nun facho humano e ataviado cunha máscara de gas, corre en busca de axuda para apagar o lume do seu corpo, mentres ao fondo da imaxe apréciase, pintado na parede en cor negra, un pequeno grafiti dunha pistola que apunta cara á palabra "paz".

Se queres coñecer o resto defotografías do World Press Photo preme AQUÍ.

World Press Photo, fundada en 1955, é unha organización independente sen ánimo de lucro con sede en Ámsterdam (Países Baixos), coñecida por organizar o maior e máis prestixioso concurso anual de fotografía de prensa.

FONTE: Elmundo.es/medios

 

SONY WORLD PHOTO AWARDS 2018

Fotografía da categoría  Profesional "Natureza e vida silvestre" / Imaxe: Revista Muy Interesante

 

Concurso anual organizado por World Photography Awards, ao que cada ano súmanse máis e máis participantes de todo o planeta.Iste ano, na súa 11ª edición, achegáronse 320.000l participantes de máis de 200 países. Premiaranse as mellores imaxes individuais a través das 10 categorías, dende Arquitectura e Paisaxe á Natureza Morta e Fotografía de rúa.

De todas as fotografías do apartado Profesinal, 27, das que sairán as gañadoras o próximo día 19 de abril, persoalmente aque máis me impactou foi esta que vedes na parte superior formada por unha impresionante nube negra de estorniños "Very Impressive Starling Murmurations" do fotógrafo alemán: Daniel Biber.

Se queres coñecer as outras 26 fotografías preme AQUÍ.

RECOPILATORIO DO ANO: MELLORES FOTOGRAFÍAS CIENTÍFICAS

 

Fotografía: Primeiro plano dunha Taenia solium, máis coñecida como lombriga solitaria, un platihelminto que habita no intestino delgado dos seres humanos.

Autora: Teresa Zgoda do Rochester Institute of Technology de Nova York, Estados Unidos.

4º Premio do concurso de fotografía Small World de Nikon 2017.

A ciencia defínese como o conxunto de coñecementos obtidos mediante a observación e o razoamento, sistematicamente estruturados e dos que se deducen principios e leis xerais con capacidade predictiva e comprobables experimentalmente.

Precisamente, esta observación sistemática é tamén creadora de arte e inmortaliza as máis singulares imaxes do noso día a día, sen apenas darnos conta. A mirada da ciencia é moito máis apaixonante do que se cre, e converteuse nunha forma máis de poder observar o mundo, aínda que de forma diferente a como o coñecemos.

 

A ciencia pode captar imaxes con diferenza da mirada do ser humano. A continuación, deixoche os planos máis rechamantes da ciencia e o mundo natural recompilados brevemente nas mellores fotografías científicas, segundo a revista Nature.Para velos preme AQUÍ.

Que non se che escape ningún detalle!

FONTE: Revista Muy Interesante/Ciencia

RECOPILATORIO DO ANO: IMAXES DA NATUREZA

  

Seguimos cos recopiltarios do ano que está a piques de rematar, neste caso de imaxes graciosas da natureza.

Un paxariño que escorrega, unha tartaruga que lle pega unha labazada a un peixe, un lirón que ri entre flores... Poida que esceas como estas sucedan de forma habitual na natureza, pero o normal é que non haxa ninguén para inmortalizarlas. Os premios The Comedy Wildlife (A Comedia na Vida Salvaxe) premian aos fotógrafos que capturan ese tipo de momentos. Participaron máis de 3.500 fotografías.

De todas elas, persoalmente, a que más me gustou é a que podedes ver na parte superior, titulada "En tres golpes": "O golf é un xogo frustrante. Se algunha vez xogaches, seguro que che deron ganas de facer isto", di o estadounidense Douglas Croft sobre a foto que fixo a un raposo en San Xosé, California.

Se queres ver o resto de fotografías só tes que premer AQUÍ.

FONTE: Verne/Xornal El País

CONCURSO DE IMAXES NIKON SMALL WORLD 2017

 

Para honrar a beleza e a importancia científica das  fotografías microscópicas, tamén chamadas micrografías, o concurso de imaxes Nikon Small World entrega cada ano unha serie de premios aos investigadores e afeccionados que capturan as imaxes microscópicas máis impresionantes.

O primeiro premio diste ano foi a fotografía superior "Células de piel humana" que expresa queratina marcada fluorescente. Os seus autores: Bram van den Broek, Andriy Volkov, Kees Jalink, Nicole Schwarz e Reinhard Windoffer do Netherlands Cancer Institute.

Se queres coñecer o resto de fotografías gañadoras preme AQUÍ.

FONTE: Sarah Romero/Revista Muy Interesante

IMPRESIONANTES FOTOS TOMADAS DENDE DRONS VII

La Vijanera/Javier Bustamante/Dronestagram

Continuo coas 12 mellores imaxes do ano capturadas con drons e seleccionadas por National Geographic e a rede social Dronestagram. Hoxe LA VIJANERA. 

Esta foto acadou o terceiro posto categoria Xente, do español Javier Bustamante. A foto fíxose durante La Vijanera, unha mascarada de inverno que se celebra na localidade de Silió, en Cantabria, o primeiro domingo de cada ano. "Nesta festa un grupo de cazadores trata de capturar a un oso", explica Bustamante aos xuíces. "Esta foto mostra o final da festa, cando se captura ao oso".

 FONTE: Xornal El País/Talento dixital

IMPRESIONANTES FOTOS TOMADAS DENDE DRONS VI

 

 

Continuo coas 12 mellores imaxes do ano capturadas con drons e seleccionadas por National Geographic e a rede social Dronestagram. Hoxe NEXT LEVEL.

Next Level de macareuxpd. Categoría:Creatividade.

"Esta foto foi capturada nunha praia de Normandía coa miña noiva, Manon. Estamos a esperar un evento feliz (un bebé) e estabamos a buscar unha maneira divertida, orixinal e inusual para anuncialo aos nosos seres queridos, familiares e amigos". Thibault Beguet, Bretaña, Francia.

FONTE: Sarah Romero/Revista Muy Interesante.

IMPRESIONANTES FOTOS TOMADAS DENDE DRONS V

Paz / Luckydron/Dronestagram

Continuo coas 12 mellores imaxes do ano capturadas con drons e seleccionadas por National Geographic e a rede social Dronestagram. Hoxe PAZ.

Luís Saguar Domingo, un estudante madrileño de 25 anos a quen a súa irmá regalou un dron por Nadal, foi o terceiro na categoría Urbano con iste traballo, unha imaxe que fixo por casualidade cando tentaba buscar un bo sitio para voar o dron e subir unha foto a Instagram. O madrileño explicou a Dronestagram que foi unha vez feita cando se deu conta da simetría da imaxe. 

Se queres coñecer máis traballos deste fotógrafo, preme AQUÍ.

 FONTE: Xornal El País/Talento dixital