Blogia
vgomez

FOTOVERDE

CONCURSO ANUAL DE FOTOS ECOLOXÍA E EVOLUCIÓN DE BMC 2023

Imaxe finalista da categoría Plantas e fungos, na que o autor destaca a rareza de ver un insecto tan grande conquistado por un fungo parasito. Roberto García-Roia (Nature inFocus Awards)

Desde como as os animais desenvólvense e aprenden, pasando polas relacións de colaboración que se establecen entre eles, ata chegar aos conflitos ou as relacións parasitarias entre especies, as imaxes gañadoras deste certame fotográfico celebran a biodiversidade da Terra as súas orixes e evolución a través dunha fotografía cargada con moita ciencia.

Con 7 categorías que exploran as diversas caras da evolución e a ecoloxía, BMC Ecology and Evolution, resultado dos antes independentes BMC Ecology e BMC Evolutionary Biology, nace para brindar a ecólogos e biólogos evolutivos de todo o mundo a oportunidade de, a través da imaxe, enmarcar o seu traballo na sutil intersección entre a arte e a ciencia para dalo a coñecer.

Se queres ver os gañadores da competición preme AQUÍ.

FONTE: bmcecolevol.biomedcentral.com e nationalgeographic.com.es

GAÑADORES CONCURSO DE FOTOGRAFÍA DA NATUREZA: INSECTOS

GAÑADORES CONCURSO DE FOTOGRAFÍA DA NATUREZA: INSECTOS

A terceira edición do Concurso de Fotografía da Natureza: Insectos, promovida pola Asociación de Amigos do Museo de Historia Natural da USC, tivo lugar durante os meses de outubro e novembro.

Actualmente, xa está publicada a resolución das tres persoas galardoadas:

 

Primeiro premio: Amor entre pétalos, de Guadalupe Rodríguez Vázquez.

Segundo premio: Outras cores do outono de José Otero Neo (á esquerda). Terceiro Premio: Cruce de camiños, de Javier Cabana Soengas (á dereita).

O xurado, constituído por fotógrafos profesionais e afeccionados con coñecementos e habilidades fotográficas, escolleron as gañadores por votación secreta. Agora, os premios serán entregados no acto de inauguración da exposición das mellores fotografías do concurso, que se prevé que se celebrará neste mes de decembro.

FONTE: Noa Martínez/gciencia.com/fotonautas

FINALISTAS DO COMEDY WILDLIFE

Peroalmente, a que maís me gusta é esta, titulada Pegasus, the flying horse. O touro estaba preto dun niño de grúa e ela asustouno para que liscase de alí / Jagdeep Rajput

Comedy Wildlife é o concurso anual que premia as fotografías máis divertidas da natureza. Fundado por Paul Joynson-Hicks e Tom Sullam, xa se converteu nun concurso de renome mundial que busca concienciar sobre a importancia da conservación de especies e do respecto cara ao medioambiente

Os organizadores do certame acaban de anunciar as 43 finalistas desta edición, todas elas para escachar coa risa. Se as queres ver preme AQUÍ.

Os gañadores anunciaranse o vindeiro 8 de decembro.

A cal máis divertida!

FONTE: comedywildlifephoto.com e gciencia.com/fotonautas

CONCURSO PRIMEIROS PLANOS FOTOGRÁFICOS: CLOSE-UP PHOTOGRAPHER OF THE YEAR 2021

O terceiro ano do concurso de Primeiros planos fotográficos, Close-up Photographer of the Year 2021, acaba de finalizar e xa se anunciaron os gañadores. O concurso celebra a fotografía de primeiro plano, macro e micro, entre sete categorías separadas e dúas novas engadidas no certame deste ano: animais, insectos, plantas e fungos, paisaxe íntima, mundo Mundo do home, novo (para creativos menores de 17 anos) e micro (para fotografías tomadas cun microscopio), mundo submarino e bolboretas e libélulas, que suman en total nove categorías.

Este ano recibíronse máis de 9.000 entradas de 56 países e esta é a fotografía gañadora absoluta do certame diste ano.

Insectos: Diversidade de insectos.       Fotógrafo: Pål Hermansen

Se queres coñecer o resto de fotografías gañadoras e finalistas das diferentes categorías preme AQUÍ.

FONTE: cupoty.com/winners-03 e muyinteresante.es/naturaleza

PREMIOS DE FOTOGRAFÍA AUDUBON 2021

Grand Prize: Carolina Fraser coa fotografía Gran Correcamiños nun baño de po.

A Sociedade Nacional Audubon (National Audubon Society) anunciou as fotografías e vídeos gañadores dos seus Premios de Fotografía Audubon 2021 que mostran a beleza das aves e chaman a atención sobre as especies que están en perigo de extinción.

A National Audubon Society é unha organización de conservación sen fins de lucro fundada en 1905 que traballa para protexer ás aves e o seu hábitat a través de varios programas e en colaboración con outros organismos como centros da natureza e moitos outros. Os Premios de Fotografía presentan cada ano algunhas das mellores fotografías da vida salvaxe e a natureza (onde as aves son a estrela, por suposto). 

Iste ano, ademais, ampliouse o certame con dous novos premios: un Vídeo Award, para unha nova categoría de vídeo, e un Female Bird Prize, outorgado á mellor fotografía dunha femia de ave en todas as categorías.

O Gran Premio deste ano foi para Carolina Fraser por unha foto tomada nos Noivos Ranch en Texas. A imaxe dun Gran Correcamiños, que se sabe que de cando en cando usa auga para bañarse, captura á perfección este momento dun “baño de po”.

Se queres coñecer o resto de de fotografías e vídeo gañador preme AQUÍ.

FONTE: audubon.org e muyinteresante.es/natureza

COMEDY WILDLIFE PHOTOGRAPHYP AWARDS 2020

Terry the Turtle                                                            © Mark Fitzpatrick / Comedy Wildlife Photo Awards 2020

Tras unha complicada selección, xa coñecemos o gañador deste ano: Mark  Fitzpatrick, pola súa incrible instantánea Terry the Turtle flipping the bird (Terry a tartaruga mostrando o seu dedo corazón).

A instantánea, clara favorita entre os xuíces, foi tomada cando Fitzpatrick nadaba entre tartarugas en Lady Elliot Island (Queensland, Australia).

Mark arranxouse para captar o momento xusto no que a tartaruga Terry está a retirar a súa aleta mentres nada cara á cámara, facendo que pareza que está a ensinar o dedo corazón a Mark.

Parabéns!

Se queres coñecer o resto de premios dición 2020 deste concurso preme AQUÍ

FONTE: comedywildlifephoto.com e traveler.es

WILDLIFE PHOTOGRAPHER OF THE YEAR 2020

WILDLIFE PHOTOGRAPHER OF THE YEAR 2020

 

Hai xa algo máis de medio século que o Museo de Historia Natural de Londres organiza o concurso Wildlife Photographer of the Year, xa consolidado como un dos máis prestixiosos do mundo e no que a máxima para recibir un galardón reside na destreza e sapiencia dos fotógrafos para retratar o comportamento animal e plasmar a diversidade da natureza.

Con todo, as imaxes seleccionadas polo xurado neste concurso non só buscan transmitir a beleza da natureza no seu estado máis puro, senón tamén concienciar sobre o respecto á vida natural e fomentar o coñecemento máis aló de slogans publicitarios sobre o medio ambiente á vez que denunciar os excesos pertrechados  conta a mesma natureza.

A imaxe destacada sobre todas as gañadoras ("grand title winner", ou gañadora absoluta) é ’O abrazo’, que concorría na categoría de "Animais na súa contorna". Mostra a unha tigresa rodeando coas súas garras un abeto de Manchuria, mentres roza as fazulas contra a cortiza para deixar secrecións das súas glándulas. Trátase dun exemplar de tigre amur ou siberiano, no parque nacional Leopardo de Rusia, o hábitat onde máis abunda. As medidas de protección contra a súa caza parecen dar resultado. Un estudo recente calculaba a súa poboación no medio milleiro de animais, un aumento considerable con respecto aos censos existentes. O seu autor é Sergey Gorshkov. Sergey sabía que as súas posibilidades eran escasas, pero estaba decidido a tomar unha fotografía do animal tótem da súa terra natal siberiana. Buscando sinais no bosque, concentrándose en árbores ao longo de roteiros regulares onde os tigres poderían deixar mensaxes (cheiro, pelos, ouriños ou marcas de gadoupas), instalou a súa primeira cámara trampa en xaneiro de 2019 fronte a iste gran abeto. Pero non foi ata novembro que logrou a imaxe que planeara, a dunha magnífica tigresa na súa contorna forestal.

Erixíndose como un dos altofalantes máis importantes a nivel mundial para denunciar as ameazas ás que hoxe se enfronta a biodiversidade, dicir que o Wildlife Photographer of the Year é un concurso de fotografía sería quedar moi curto, polo que para que poidades xulgar con criterio propio premede AQUÍ e veredes aos gañadores da súa última edición.

Parabéns aos gañadores e entre eles ao fotógrafo submarino tinerfeño Francis Pérez, distinguido na categoría Wildlife photojournalist (fotoperiodista de vida salvaxe ou de natureza), cuxa fotografía mostra un calderón tropical coa aleta caudal seccionada pola hélice dunha pequena embarcación.

FONTE: nhm.ac.uk e nationalgeographic.com.es/naturaleza 

NIKON SMALL WORLD 2020

NIKON SMALL WORLD 2020

 

Nikon Instruments Inc. deua  coñecer os gañadores da cuadraxésima sexta edición do Concurso Mundial de Fotomicrografía de Pequeno Tamaño de Nikon, Small World  micrography competition 2020.

Nikon Small World leva 46 anos premiando as imaxes microscópicas máis espectaculares, nas que se combinan arte e ciencia.

O primeiro premio diste ano foi para a foto dun peixe cebra xuvenil (imaxe superior). É unha vista dorsal da cabeza dun peixe co esqueleto marcado en cor fluorescente,  escamas (azul) e o sistema linfático (laranxa), tomada usando microscopía confocal e  apilamiento de imaxes.

O autor reuniu máis de 350 imaxes individuais para crear esta única foto. O autor é Daniel  Castranova, do National Institute of Child Health and Human Development en Bethesda, Maryland, EE. UU.

Se queres coñecer as 20 mellores imaxes microscópicas do concurso preme AQUÍ.

Parabéns!

FONTE: nikonsmallworld.com e quo.es/naturaleza