OPINIÓN E COMENTARIO

AXUDAR OU NON AOS NENOS NAS TAREFAS ESCOLARES

 

Silvia Áraba é especialista en Psicoloxía Educativa, Psicoloxía Clínica e da Saúde. E autora de libros como "Queremos que medren felices", "Contos para comer sen contos" e "A psicoloxía que nos axuda a vivir”, onde proporciona recursos e pautas que aplica na súa experiencia clínica como terapeuta especializada en psicoloxía infantil. Firme defensora da autonomía dos nenos, Silvia Áraba reclama o dereito ao erro na aprendizaxe e a superación de medos e desafíos. Entre outros temas, explica por que os pais deberían limitar a súa participación nos deberes dos nenos, como afrontar a ansiedade ante un exame ou evitar a sobreprotección. Ademais, proporciona claves para que os nenos desenvolvan relacións baseadas na confianza e a igualdade, así como o rexeitamento a condutas machistas.

CREANDO OPORTUNIDADES: TDAH

 

Estímase que entre o 3% e o 7% dos nenos en España teñen TDAH, o que equivale a dicir que entre un e dous nenos por aula padecen trastorno de déficit de atención na aprendizaxe. José Ramón Gamo é maestro e especialista en neuropsicología infantil. Nun ton próximo e fresco, explica como podemos incorporar a neurodidáctica á educación e os coñecementos científicos que mellorarán o proceso educativo dos nenos. Na liña apuntada polo investigador John Hattie, Gamo destaca que a mentalidade de crecemento e a perseveranza son as claves para lograr a transformación da aprendizaxe. Segundo Gamo “no século XXI, os rapaces non poden seguir aprendendo por materias. Teñen que aprender facendo”.

APRENDER A ESCOITAR

  

Victor Küppers é Doutor en Humanidades e Licenciado en Administración e Dirección de Empresas. Profesor universitario e formador, Küppers é autor de libros de éxito como "O efecto Actitude" e "Vivir unha vida con sentido". É un defensor absoluto do poder que ten a "actitude" para desenvolver o máximo potencial das persoas: "Ti vales os teus coñecementos, as túas habilidades e a túa actitude, pero a actitude multiplica”, explica. Víctor Küppers reivindica a importancia de aprender a escoitar para coidar as relacións no mundo actual. Apaixonado pola psicoloxía positiva, o seu pensamento poderíase resumir nesta frase de Teresa de Calcuta: “Que ninguén se achegue a ti sen que ao irse se sinta un pouco mellor e máis feliz”. Para Küppers esta é a definición dunha "persoa espectacular".

HUMOR: "FARIÑA"

 

O xenial Davila (Luis Davila, Pontevedra-1972) apunta certeiramente na súa viñeta de hoxe no xornal Faro de Vigo, ao relacionar a neve que hoxe está a caer en todo o país co estreo da serie nunha cadea de televisón que le a por título "Fariña", basada no libro co mesmo título sobre o narcotráfico galego dos anos oitenta e que foi prohibido pola xuíz Alejandra Pontana quen adoptou esta medida a petición do exalcalde do Grove (Pontevedra) José Alfredo Bea Gondar, quen demandou en xaneiro ao autor Nacho Carretero e a editorial Libros do KO por suposta vulneración do seu dereito á honra.

Nunca unha prohibición fixo tanta propaganda!

PÓDESE APRENDER A SER FÉLIZ?

 

Tal Ben- Shahar é doutor en psicoloxía e filosofía. Ten o récord da materia con maior número de estudantes da historia da Universidade de Harvard: máis de 1400 alumnos por semestre. Grazas ao seu curso de Psicoloxía Positiva, o profesor Tal Ben- Shahar gañouse pronto entre os estudantes o alcume do "profesor da felicidade". As súas leccións desde a ciencia sobre como afrontar a vida con entusiasmo e alegría saltaron da aula para converterse en bestsellers de éxito mundial. É autor de libros como "Elixe a vida que queres" ou "Practicar a felicidade", entre outros, nos que nos fala sobre as emocións que e a aprendizaxe, a creatividade, a capacidade de innovación, e en definitiva, a mellora da vida diaria das persoas. As relacións sociais, a amizade, o manexo das emocións negativas ou as rutinas cotiás para aumentar a felicidade, son algunhas das claves que comparte nas súas clases sobre a ciencia da felicidade en universidades como IDC- Herzliya (Israel) e en conferencias de todo o mundo. Pódese aprender a ser feliz? A resposta de Ben- Shahar é "si, podemos cambiar os nosos niveis de felicidade", pero vai máis aló e reclama que deberiamos ensinar nas escolas para ser felices.

A COMUNICACIÓN COS FILLOS ADOLESCENTES

 

Patricia Ramírez é psicóloga do deporte e da saúde e máster en Psicoloxía clínica e da saúde. Foi nomeada a psicóloga máis influente de España nas redes sociais. É autora de sete libros, nos que aborda temas como a adolescencia, a comunicación entre pais e fillos ou a convivencia na familia, e entre os que destacan, "Conta contigo", "Por que eles soñan con ser futbolistas e elas princesas" ou o recentemente publicado "Se saíses a vivir…". Tamén traballou con deportistas de elite, adestradores e futbolistas de equipos como o Real Betis Balompé, RCD Mallorca e CB Selecta. Ademais, esta psicóloga é colaboradora habitual en medios de comunicación e congresos educativos nos que resalta a importancia de "Educar no esforzo, o respecto e a convivencia". Patricia Ramirez ofrécenos claves para resolver problemas de comunicación entre pais e fillos e dános consellos moi útiles para saber xestionar situacións difíciles na adolescencia.

AXUDAR AOS RAPACES A ATOPAR A SÚA PAIXÓN

 

Son moitos os que reflexionan e propoñen melloras na educación, pero non tantos os que pode falar dende a experiencia. Richard Gerver é un deles. Premio nacional de ensino e mellor director de escola do Reino Unido, Gerver está considerado como un dos líderes educativos máis innovadores e inspiradores do noso tempo. A súa visión sobre a educación e o potencial humano foi solicitada en múltiples ocasións por organizacións de todo o mundo e numerosos deportistas de elite. É autor de libros como “Crear hoxe a escola do mañá”,"A educación e o futuro dos nosos fillos” e “Simple Thinking”. Para este Doutor en educación, profesor e escritor, a clave da educación é "axudar aos nenos para atopar o que lles apaixona”.

ENFRONTARSE AO ACOSO ESCOLAR DENDE A CASA

 

Tiina Mäkelä é directora para España e América Latina do Programa KiVa contra o ’bullying’. Este método foi creado en 2007 a proposta do Goberno finlandés na Universidade de Turku pola investigadora Christina Salmivalli. Ofrece estratexias para identificar, combater e previr o bullying traballando sobre as condutas de agresores, público espectador e atención ás vítimas. Hoxe está presente en escolas de EEUU, Reino Unido, Alemaña, Latinoamérica, Sudáfrica e España. Os estudos realizados nestes países demostran a súa efectividade: só no primeiro ano de implantación, KiVa logra reducir entre un trinta e un cincuenta por cento os casos de bullying. Doutora en Ciencias da Educación, Makela ofrece as claves para saber se un neno está a sufrir "acoso escolar", así como a mellor maneira de intervir.