VÍDEOS

"PERCEBEIROS"

 

O percebe, ese marisco codiciado nas nosas mesas! Pero que hai ao redor del? Cal é o traballo dun percebeiro?

"Percebeiros" é un curto documental dirixido por David Beriain sobre a historia de Serxio Ces, percebeiro de Cedeira. Preseleccionado para os Premios Goya 2012.

Sinopse: Roxe o vento. O mar golpea os acantilados. Dous metros de rocha, esa é a franxa de auga e osíxeno na que crece o percebe. Dous metros onde o mar se asaña, onde bate con forza milenaria. Unha fronteira de ondas e escuma na que Serxo e os seus compañeiros loitan por un bocado de mar.
Unha fronteira de valor e medo. De temeridade e sentido común. Dous metros sen marxe de erro. Aí vive o percebe. Aí vive Serxio.
Percebeiros é a batalla contra o mar duns guerreiros que non se consideran heroes.

Cando comamos percebes, valoremos o traballo que hai en apañalos!

A ORIXE DA VIDA NA TERRA

 

Situar a orixe da vida na Terra  é, sen dúbida, un dos maiores misterios aos que se enfrontan os científicos.

O experto en Ciencia, José Manuel Nieves, intenta responder neste vídeo  ás preguntas máis universais do home: que é a vida?, como empezou?, e onde?

O QUE TEN UN CAN, TEN MÁIS QUE UN AMIGO

 

A maior parte da miña vida sempre contou coa presenza dun can, que agora persiste na vida da milla filla maior. Nomes como Xoul, Nei, Ringo, Lasi... e Manson, formaron e forman parte da nosa familia.

Non sei se sodes conscientes do que representa un can máis alá da súa compaña. Intelixencia, cariño, lealtade, protección, entrega...Algunhas veces só lle falta falar!

Este vídeo de 15 minutos é a constatación do dito anteriormente. Realmente son anacos quitados dunha película estadounidense de 1987 "Benji the Hunted", dirixida por Joe Camp, inspirada no can mestizo Benji. 

Para poder entendelo ben o argumento e o seguinte: Benji, un can de rúa trata de salvarse nadando nunha violenta tormenta no mar e é testigo da morte dun puma femia, deixando a catro cachorros orfos. Benji sálvaos de diversos perigos e de feroces depredadores (un oso, un lobo e un raposo) atopándolles unha nova nai adoptiva da súa propia especie. Finalmente, Benji, o "heroe" pode volver á casa (no vídeo pode verse, ao remate, como un helicóptero aparece para recollelo).

Espero que sintades polos cans o mesmo afecto que eu lles practico. Que disfrutedes do vídeo e da súa música!

THE PATH OF MY WOLF (O CAMIÑO DO MEU LOBO)

 

Hai imaxes que valen máis ca 1000 palabras. Este é o caso!

Para situarnos, este vídeo narra a historia dunha verdadeira amizade entre un cazador e un can lobo mestúrase cos clips da incríbel película de 1991 de Disney: “Colmillo Branco”. Filmado na fermosa natureza de Alaska. Música: “Fast & friendly” de Jan Rietman.

Que disfrutedes!

IMAXES DOS FONDOS DAS ILLAS CIES (PROXECTO CEFAPARQUES)

 

As Illas Cies forman parte do único Parque Nacional que temos en Galicia: Parque Nacional Marítimo-Terrestres das Illas Atánticas de Galicia.
No pasado mes de xuño, un equipo científico do Instituto de Investigacións Mariñas de Vigo (CSIC) realizou nos fondos das illas Cies unha mostraxe, dentro do programa CEFAPARQUES, co obxectivo deidentificar, dentro do seu perímetro, hábitats de preferencia para a posta de cefalópodos de interese comercial, como  polbo, a lura e a sepia.

Este vídeo é un documento científico elaborado a partir das imaxes gravadas nas máis de 80 inmersións nesas augas. Por certo entre as fermosas imaxes podemos ver a cópula e posterior posta dos polbos.

A FORMACIÓN DO NOSO ROSTRO

 

A serie da televisión británica "Inside the Human Body" amosou un documento inédito: a reconstrución de como se forma o rostro do embrión durante o primeiro trimestre da xestación.

Trátase dun vídeo de medio minuto de duración elaborado a partir de imaxes de ecografías tomadas entre a cuarta e a décima semana da xestación, combinadas cun trabajo meticuloso de reconstrución por ordenador. As imaxes recollen de forma acelerada as diferentes partes da formación da cara.

As transformacións no rostro comenzan a desenvolverse a partir dun punto clave: a fendedura situada baixo o labio superior. O resultado da montaxe das imaxes é tan insólito como espectacular.

Aquí tes o vídeo!

OS VOLCÁNS

 

Os volcáns son orificios ou gretas polos que se expulsan ao exterior os materiasi fundidos procedentes do interior da xeosfera.

Os volcáns localízanse nos límites (bordos das placas) e no interior das placas tectónicas.

O presente vídeo pretende axudarche a completar o tratado en clase.

A ATLÁNTIDA

 

Arredor do ano 1620 a.C., un enorme volcán no Mar Exeo despertou dun sono de 17 mil anos cunha violenta erupción. A explosión destruíu a illa de Tera, provocando grandes tsunamis que inundaron Creta, o centro da primeira civilización sofisticada de Europa: a minoica. Agora moitos expertos pensan que este evento apocalíptico servíu de inspiración para a lenda da Atlántida.

Pero é un mito ou é algo real?

Neste vídeo podemos atopar novas revelacións sobre a  ATLÁNTIDA .