ENERXÍA LIMPA E BARATA: STBSYSTEMS

Sistema Stbsystems / Imaxe:www.stbsystems.cat

Cando pensamos nunha fonte de enerxía limpa, polo xeral,  imaxinamos paneis solares ou modernos muíños de vento. Porén, existen outras maneiras de xerar enerxía eléctrica sen contaminar o medio ambiente que non dependen nin da enerxía solar nin da forza do vento. Unha delas, de seguro pouco coñecida por ser descuberta hai pouco tempo e por non dispoñer de moita publicidade, é o sistema STBSYSTEMS, un proxecto posto en marcha polo inventor catalán Santi Trias Bonet. Trias intentaba resolver un problema relacionado co buceo, cando casualmente deuse conta de que podía aproveitar a presión xerada en calquera columna de líquido para xerar enerxía 100% limpa. Esta forza, que equivale a un quilogramo por cada 10 metros de altura da columna, pode xerar unha forza de succión capaz de mover un xerador eléctrico.

Santi Trias, que grazas a este invento gañou a última edición do Innovation Festival Lab Barcelona, impulsado pola CE, explica que STBSYSTEMS «é unha máquina que sumerxida baixo a auga do mar ou dentro dun pozo é capaz, grazas á diferencia de presión, de xerar electricidade. Pero o máis importante é que, máis alá de inventar esta revolucionaria máquina, localicei unha nova fonte de enerxía alternativa, limpa e gratuíta».

           STBSYSTEMS, a máquina para xerar enerxía a partir da presión da auga.

FONTE: Xornal ABC/Ciencia.