NOVAS PROBAS DE QUE FLUÍU AUGA EN MARTE

Rochas con grava dun antigo leito de auga en Marte / Imaxe:NASA

O robot Curiosity atopou novas probas de que fluíu auga pola superficie de Marte no pasado. Non é a primeira proba disto que se obtén, advirte a NASA, pero si é unha proba diferente. Nas fotos tomadas polas cámaras do vehículo aprécianse rochas con grava dun antigo leito. "Polo tamaño da grava arrastrada podemos interpretar que a auga se desprazaba aproximadamente un metro por segundo cunha profundidade que estaría entre a altura do nocello e da cadeira", explicou un investigador da misión do Curiosity da Universidade de California en Berkeley.

As rochas en cuestión descubríronse nun punto entre o bordo setentrional do cráter Gale e a base do monte Sharp que está no seu centro, segundo informa a NASA. Coas imaxes previas que se tiñan da zona permiten aos científicos unha interpretación do contexto das gravas. Parece ser un fluxo de auga que se abre en forma de abano arrastrando material dende o bordo do cráter, con numerosas canles.

FONTE: Xornal El País/Ciencia