O DRON QUE SEMENTA NUBES PARA PROVOCAR A CHOIVA

O dron Savant pesa 24 kg e ten 3 m de envergadura / KEVIN CLIFFORD

Un avión non tripulado probou por primeira vez, con éxito, a coñecida como "sementeira" de nubes, coa que os científicos pretenden provocar choiva en épocas de seca. O voo experimental, de Desert Research Institute (DRI) levouse a cabo en Nevada (Estados Unidos).

Este dron, coñecido como Savant, acadou unha altitude de máis de 120 metros e voou durante aproximadamente 18 minutos.

Este proxecto, primeiro no seu tipo, está a axudar ao Estado de Nevada abordar os impactos continuos de seca e a explorar solucións innovadoras para loitar contra a ausencia de recursos, tales como aumentar o abastecemento de auga rexionais.

O equipo de investigación leva máis de 30 anos de investigación e experiencia na modificación do clima con experiencia probada en operacións de fabricación aeroespacial e de voo de avións non tripulados, segundo apunta o DRI na súa páxina web.

Cunha envergadura de 3 metros de ancho e uns 24 quilos de peso, Savant é o vehículo perfecto para levar a cabo este tipo de operacións, debido ao seu perfil de voo superior, o tempo que permanece no aire e a súa resistencia ao vento e a outras condicións climáticas adversas.

FONTE: Xornal abc/ciencia