O BOSTEZO, UN ECOFENÓMENO

Bostezo / Imxe: gomuriukas.blogspot.com.e

O bostezo adoita atribuírse á falta de sono, ao cansazo e mesmo á fame. Con todo, bostezar pode ocorrer sen motivo aparente. De feito, prodúcese a miúdo de maneira involuntaria ao ver a outra persoa facelo. Esta é a pregunta á que un grupo de investigadores da Universidade de Nottingham en Reino Unido deu resposta: Por que bostezar é tan contaxioso?

A investigación publicada na revista Current Biology realizou un experimento que reuniu a 36 voluntarios para descubrir como se producen os bostezos contaxiosos. Para iso, dividiuse aos participantes en dous grupos e mostróuselles unha serie de vídeos onde aparecían persoas bostezando. Ao primeiro grupo pedíuselle que actuase con normalidade ao ver as imaxes, mentres que ao outro grupo solicitóuselle que reprimise os seus impulsos de bostezar.

Durante a proba, os expertos utilizaron unha técnica non invasiva de estimulación cerebral (TMS) para observar as diferentes reaccións que se producían no cerebro. Así mesmo, monitoraron e contabilizaron o número de bostezos que ocorreron durante o seguimento.

Tras analizar os resultados, os científicos descubriron que aqueles a os que se lles ordenou resistir aos bostezos tiveron máis ganas de facelo e ademais, resistirse a facelo alterou a forma en que bostezaban (tiveron medios bostezos). Doutra banda, obrigarlles a reprimir a súa necesidade de bostezar non alterou a propensión individual para facelo. É dicir, cada persoa bostezaba máis ou menos veces individualmente do que facía o resto.

Segundo a investigación, o bostezo é un exemplo dun ecofenómeno, que é o termo que denomina á imitación automática do que di ou fai outra persoa.

O traballo sostén que o impulso de bostezar ao observar que outros o fan está asociado á deshinibición do sistema de neuronas espello e á sobreexcitación das áreas motoras da cortiza cerebral. Este feito está relacionado con desordes neuropsiquiátricos como a Síndrome de Tourette ou a esquizofrenia, os cales "presentan un desequilibrio na inhibición e a excitación de zonas craves das conexións neuronais", asegurase na investigación.

FONTE: Xornal El Mundo/Ciencia