A NOVA FINLANDIA DA EDUCACIÓN: PORTUGAL

 

 O informe PISA avalía o rendemento dos alumnos en lingua, ciencias e matemáticas en máis de 70 países. Neste informe, Portugal é o único país europeo que mellora o seu nivel educativo desde o ano 2000. Como se converteu Portugal no alumno avantaxado de Europa?

Viaxamos á Escola Pública de Carcavelos de Lisboa para coñecer de primeira man aos profesores e alumnos que están a protagonizar esta revolución silenciosa da educación portuguesa. Unha escola na que está prohibido mandar deberes para casa. Unha escola na que non se pode repetir ata 3º de ESO para non fomentar a desmotivación. E na que as habilidades “brandas” ("soft skills”) como o traballo en equipo ou falar en público cobran especial importancia ante o convencemento de que a escola pode cambiar a vida das persoas.