DESMONTANDO MITOS SOBRE OS ADOLESCENTES

 

Daniel J. Siegel é doutor en Medicina, profesor de Psiquiatría Clínica na Facultade de Medicina da Universidade de  California nos  Angeles,  codirector do  UCLA  Mindful  Awareness  Research  Center e director executivo do  Mindsight  Institute.  Siegel é autor de  bestsellers como "Ser pais conscientes", "Mindsight", a nova ciencia da transformación persoal e dun dos libros máis aclamados internacionalmente "The  Developing  Mind", cuxas propostas se aplicaron a programas educativos de todo o mundo. Na súa obra "Tormenta Cerebral", Daniel  J.  Siegel achega as claves para acabar con algúns dos mitos e falsas crenzas máis estendidas sobre a adolescencia. Desde unha visión positiva,  Siegel afirma que a adolescencia é unha etapa moi especial, unha faísca emocional, un momento de conexión social, de procura do novo e con esencia creativa: “Os adolescentes teñen paixón, un sentimento de que todo importa. Teñen unha capacidade profunda de colaboración entre eles, e o valor de probar cousas novas”, destaca.