CANTO SABES SOBRE A INTERNET VI

A contestación correcta á pregunta do día anterior é un hacker que penetra nos sistemas dunha empresa, localiza e soluciona os problemas de seguridade, cobrando por este servizo. Os hackers de chapeu gris, ou greyhat hackers, caracterízanse polo seu interese lucrativo na procura de problemas de seguridade dunha empresa. Penetran nos seus sistemas, localizan as brechas de seguridade e solicitan unha cantidade de diñeiro por reparar este dano. Esta figura está dacabalo entre os blackhats (pirata informático de chapeu negro que viola a seguridade da computadora por poucas razóns máis aló da malicia ou para beneficio persoal) e os whitehats (pirata informático de chapeu branco ou ético, un experto de seguridade informática, quen se especializa en probas de penetración e noutras metodoloxías para asegurar a seguridade dos sistemas informáticos dunha organización). 

E imos coa pregunta de hoxe:

6. Cal é o alcume do hacker máis famoso da historia?

-  "RTM"

- "Mafiaboy”

- "O Cóndor”

- "O Mentor"

Mañá a solución e unha nova proposta!

FONTE: muyinteresante.es