A EDUCACIÓN É ALGO MÁXICO E EXTRAORDINARIO

É mestre de primaria nunha escola rural dun pobo andaluz. Desde que era neno,  Xuxo Ruiz sentiu unha paixón absoluta pola maxia: “Aos sete anos, un mago sacoume unha moeda da orella, e decidín dúas cousas: que quería ser mago e que debía lavarme ben as orellas”, conta cun sorriso. Desde entón, pasou máis de 20 anos utilizando a maxia nas súas aulas como un recurso educativo máis. “Ao principio só usábaa como un xogo, para entreter aos alumnos. Pero pronto me dei conta de que a maxia facía que as miñas clases estivesen máis vivas e que lograba manter ese recurso tan escaso que é a atención”, explica. Preguntouse entón se a maxia podería ser útil como ferramenta pedagóxica: podía servir para repasar materias, exercitar o cálculo ou aclarar conceptos de ciencias? Durante quince anos investigou e desenvolveu trucos de maxia adaptados aos contidos curriculares. E descubriu que a maxia era eficaz e adaptable, non só para espertar a curiosidade, senón para explicar contidos difíciles de entender. Nas clases de Xuxo Ruiz, os seus alumnos e alumnas tamén acaban convertidos en pequenos magos. Algo que el utiliza para transmitirlles valores e habilidades, como a cooperación ou a capacidade de falar en público.

Xuxo Ruiz é autor do libro Educando con maxia (2013) e en 2016 a Consellería de Educación outorgoulle o ‘Premio ao mérito educativo’ e ‘Mellor docente’ polo seu labor innovador na educación. Tamén foi uns dos 50 mellores finalistas do ‘Global Teacher Prize’ en 2018.