CANTO SABES DE ARQUEOLOXÍA? IV

Continúo coa serie Canto sabes de arqueoloxía?, na que se pon a proba os teus coñecementos sobre esta disciplina que estuda as sociedades antigas a partir dos seus restos materiais.

A contestación correcta á pregunta de onte é Máis de 8.000 figuras de guerreiros e cabalos. É unha colección de esculturas feitas en terracota (arxila modelada e endurecida ao forno) que representan aos exércitos de Qin Shihuang, o primeiro emperador da China. É unha forma de arte funeraria enterrada co emperador en 210–209 a. C. co propósito de protexer ao emperador na súa vida futura. Desde o ano 1987 está considerado por parte da UNESCO como Patrimonio da Humanidade.

E imos coa pregunta de hoxe!

4. A Pedra Rosetta é un dos artefactos máis famosos do mundo. Sabes en que ano foi tallada?

- No 1799

- No 453 a. C

- No 196 a. C.

Mañá a solución e unha nova pregunta!

FONTE: Idea orixila muyinteresante.es e gal.wikipedia.org    Imaxe: historia.nationalgeographic.com.es