A CIENCIA NO 2020 (II)

Continúo co repaso as noticias que marcaron o ano 2020 no eido da investigación científica, nas súas diversas disciplinas. Agora tócalle o turno ao mes de...

FEBREIRO

1. Novos datos sobre Ultima Thul: Tras sobrevoar Plutón, a sonda New Horizons visitou o ano pasado un dos obxectos máis rechamantes do cinto de Kuiper: Arrokoth, antes coñecido como Ultima Thule. Segundo as observacións da sonda, Arrokoth formouse de maneira non violenta.

2. O misterio de  Betelgeuse: segue escurecéndose. É unha estrela variable, e sábese que se volve máis tenue e brillante, pero a gran sorpresa é que aínda continúa atenuándose, algo que non ten precedentes nas décadas en que os astrónomos levan observando a estrela. Actualmente é só a estrela número 24 máis brillante do ceo.

3. Minilúaa da Terra: O 15 de febreiro, os astrónomos Kacper Wierzchos e Teddy Pruyne de Catalina Sky Survey anunciaron que a Terra tiña un novo obxecto capturado temporalmente, unha posible minilúa chamada 2020 CD3.

4. Atopan o primeiro animal que non necesita osíxeno para sobrevivir: Trátase dun pequeno parasito de menos de 10 células chamado Henneguya salminicola que vive no músculo do salmón. Pertence á clasificación superior dos cnidarios, un fío de animais diblásticos relativamente simples, que viven exclusivamente en ambientes acuáticos, maioritariamente mariños. A medida que evolucionou, este insólito animal, parente mixozoo das augamares e os corais, deixou de respirar e consumir osíxeno para producir enerxía. É o primeiro organismo  multicelular cuxa vida non depende do osíxeno.

5. Describen as proteínas en espícula do coronavirus SARS-CoV-2: Un grupo de investigadores descubriu a estrutura molecular dunha proteína clave que o novo coronavirus usa para invadir as células humanas, o que podería abrir a porta ao desenvolvemento dunha vacina, segundo novos achados. Descubrir a forma da proteína espiga do renomeado coronavirus SARS-Cov-2 é a clave para descubrir como atacar ao virus.

Continura. Mañá marzo!

FONTE: Idea orixinal Laura Marcos/muyinteresante.es