OS FÓSILES MÁIS DESTACADOS DO MUNDO XIII

A procura da verdade a través dunha lente científica está a permitirnos reconstruír a historia das orixes humanas a partir dos fósiles dos nosos antepasados.  Afortunadamente, grazas aos fósiles, a evidencia sólida detrás da nosa imaxe da vida na Terra, temos unha boa fonte de información sobre a vida prehistórica no noso planeta.

Por raros e impresionantes que poidan ser, non todos os fósiles son igualmente famosos, ou tiveron o mesmo efecto profundo na paleontoloxía e na nosa comprensión da vida durante estes tempos remotos.

Continúo coa serie os fósiles máis destacados do mundo. Hoxe tócalle a...

13. Diplodocus

Por unha peculiaridade histórica, a maioría dos fósiles de dinosauros desenterrados a finais do século XVIII e principios do século XIX pertencían a ornitópodos relativamente pequenos ou terópodos lixeiramente máis grandes. O descubrimento do Diplodocus na formación Morrison do oeste de América do Norte en 1877 marcou o comezo da era dos saurópodos xigantes, que desde entón capturaron a imaxinación do público en maior medida que dinosauros como o Megalosaurus ou o Iguanodon.

O Diplodocus viviu a finais do período Xurásico, hai uns 155,7-150,8 millóns de anos, no Kimmeridgiense e o Titoniense, no que hoxe é América do Norte.

FONTE: Sarah Romero/muyinteresante.es              Imaxe: es.wikipedia.org