ENCRUCILLADO LXXXIX

VERTICAIS: 1. Planta herbácea perenne da familia das compostas, con talo duns cincuenta centímetros, follas longas segmentadas e flores de cor branca ou rosada reunidas en corimbos que, cocidas, se utilizan para curar feridas e de nome científico Achillea millefolium 2. Segundo río máis longo de Andalucía logo do río Guadalquivir, do que é afluente pola marxe esquerda 3. Desfiladeiro de paredes abruptas, con desniveis de máis de 500 m de altura e moi utilizado polo ser humano ao longo da historia, ao ser paso natural da Serra Morena e punto de conexión principal entre Andalucía e a Meseta, Castela-A Mancha, ou o que é o mesmo, co resto de España 5. Apelido do escritor lucense, falecido o pasado día 17, autor, entre outras obras, da novela Morte do rei.

HORIZONTAIS: 4. Micro-Estado soberano insular asiático situado na costa leste do golfo Pérsico, cuxa forma de goberno é a monarquía constitucional, organizado o seu territorio en cinco gobernacións, tendo por capital a cidade de Manama 6. Apelido, e nome polo que foi coñecido, do pintor, escultor, gravador, escenógrafo e escritor catalán, un dos principais representantes do surrealismo 7. Capital da República de Honduras 8. Músculo que está situado na coxa, de forma longa e estreita, que vai de forma oblicua desde a pelve ata a cara interna do xeonllo 9. Peixe da familia dos espáridos, de corpo oval, fociño alongado con catro cairos curvos, cor gris con manchas verdosas, coas aletas ventrais e anal alaranxadas e de nome científico Dentex dentex  10. Parte inferior da columna vertebral, articulada co sacro e formada por catro ou cinco vértebras soldadas, na especie humana, e que noutros vertebrados constitúe o esqueleto do rabo.