OS 10 ANIMAIS MÁIS INTELIXENTES DO MUNDO (VII)

Contúo coa listaxe dos 10 animais máis intelixentes do mundo, tendo en conta que a intelixencia non é exclusiva do ser humano. O reino animal está integrado por ao redor dun millón de especies diferentes e algunhas delas teñen habilidades cognitivas asombrosas. E non só instintivas, tamén racionais. Memoria, sentimentos, emocións, resolución de problemas de pensamento, entendemento ou razoamento, consecución de obxectivos, adaptación á contorna, capacidade de comprensión, calidades comunicativas… Algúns animais teñen mesmo conciencia de si mesmos.

7. Cabalo

É un animal moi intelixente, cun sistema emocional moi parecido ao do ser humano. Os cabalos son seres moi sensibles e emocionais, ademais de nobres e fieis. Poden crear vínculos moi intensos con humanos. Son mesmo capaces de comprender emocións nas persoas: ‘len’ as expresións de enfado e alegría. En definitiva, decátanse do estado de ánimo dos seres humanos que os rodean. Entenden palabras e teñen gran capacidade de aprendizaxe. A súa intelixencia varía segundo a raza (existen máis de 300) e depende en gran medida das súas condicións de vida: os que viven encerrados presentan un pobre desenvolvemento intelectual. Son moi curiosos, e capaces de lembrar sucesos, lugares e a persoas.

Mañá seguiremos!

FONTE: Ramón Díaz/farodevigo.es