INVENTORES QUE SE ARREPENTIRON DAS SÚAS CREACIÓNS II

Continúo coa serie adicada a es serie de inventores que, a pesar de que as súas creacións coparon os titulares dos medios de comunicación da época, arrepentíronse dos seus propios inventos, atormentando continuamente a súa conciencia.

Hoxe falaremos de...

2. Arthur Galston: axente laranxa

O fisiólogo e biólogo vexetal estadounidense, Arthur William Galston (Nova York, 21 de abril de 1920 - Hamden-Connecticut, 15 de xuño de 2008) creou a arma coñecida como “axente laranxa”, un defoliante químico que foi empregado masivamente pola Forza Aérea estadounidenses entre 1962 e 1971 durante a Guerra de Vietnam. As súas investigacións axudaron a desenvolver este potente herbicida que, en teoría, podía estimular a floración da soia e facela medrar máis rapidamente. Con todo, novamente un invento foi destinado á guerra.

As tropas estadounidenses liberaron ao redor de 76 millóns de litros do defoliante químico para destruír cultivos e expor as posicións e rutas de movemento do Vietcong. A súa intoxicación provocou danos graves nos órganos, sobre todo no fígado, e graves consecuencias no feto: malformacións, deformidades... crese que polo menos 100.000 nenos naceron con discapacidades a consecuencia do Axente Laranxa. Galston, vendo o enorme dano ambiental e humano que estaba a provocar esa sustancia, instou o goberno estadounidense a realizar un estudo toxicolóxico que derivou no cesamento da fumigación do Axente Laranxa. Para Galston, este invento foi “un mal uso da ciencia”.

FONTE: Sarah Romero/muyinteresante.es e gl.wikipedia.org      Imaxe: es-la.facebook.com e en.wikibooks.org