REMATA O CURSO PERO O SEGUINTE ESTÁ PRETO!

Chegaron as vacacións! Os de Primaria coas notas baixo o brazo e os de Secundaria... en capela!

Pero quedan uns meses de folgar e disfrutar!

Pero o próximo curso 2023-2024 está preto. E cando comeza? E cando son as vacacións? Esto último é moi importante!

O curso académico abranguerá desde o día 1 de setembro de 2023 ata o 31 de agosto de 2024.

As actividades lectivas nas ensinanzas de educación infantil, de educación primaria, de educación secundaria obrigatoria, de bacharelato e de formación profesional realizaranse desde o día 11 de setembro de 2023 ata o 21 de xuño de 2024, ambos incluídos. Para o segundo curso de bacharelato a impartición efectiva das clases rematará de acordo coas datas previstas para a avaliación de bacharelato para o acceso á universidade (en diante, ABAU).

Os períodos de vacacións escolares no curso académico 2023/24 serán os seguintes:

– Nadal: desde o día 22 de decembro de 2023 ata o día 7 de xaneiro de 2024, ambos

incluídos.

– Entroido: os días 12, 13 e 14 de febreiro de 2024.

– Semana Santa: desde o día 25 de marzo ata o día 1 de abril de 2024, ambos incluídos.

Días non lectivos:

- Día do Ensino: 7 de decembro de  2023

- Dúas festas locais: 23 de setembro 2023 e outra a determinar polo Consello Escolar.

Para máis información preme AQUÍ.

FONTE: DOG/edu.xunta.gal