NOBEL 2023: QUÍMICA

Os investigadores Moungi Bawendi, Alexei Ekimov e Louis Brus, gañadores do Nobel de Química de 2023 / Fernando Vergara (AP)

A Real Academia Sueca das Ciencias concedeu este mércores o Premio Nobel de Química de 2023 ao francés Moungi Gabriel Bawendi (Paris-1961, actualmente é profesor Lester Wolfe no Instituto Tecnolóxico de Massachusetts), o estadounidense Louis Brus (Cleveland-Ohio-1943, é profesor S. L. Mitchell de Química na Universidade de Columbia) e o ruso Alexey Ivanovich Ekimov (Unión Soviética-1945, físico do estado sólido, que descubriu os nanocristais semicondutores coñecidos como puntos cuánticos, mentres traballaba no Instituto Óptico Estatal Vavilov), por descubrir e sintetizar os puntos cuánticos, materiais tan diminutos que neles maniféstanse as asombrosas leis que rexen o mundo do infinitamente pequeno: a mecánica cuántica. Os puntos cuánticos son nanocristais, dunhas poucas millonésimas partes de milímetro, nos que os electróns se atopan confinados. Estas illas de electróns presentan interesantes propiedades, útiles en multitude de campos, desde as pantallas de televisión ata a medicina. É un campo emerxente no diagnóstico e o tratamento experimental do cancro.

Parabéns!