URANO VISTO POLO JAMES WEBB

Nunca antes tiveramos imaxes do planeta de xeo como as que captou o Telescopio Espacial James Webb, nin sequera cos primeiros planos tomados en xaneiro de 1986 pola sonda Voyager 2. O terceiro planeta máis grande do Sistema Solar, Urano,  foi observado polo Webb o pasado 4 de setembro e agora a NASA publicou as fotografías tras identificar en detalle todas as estruturas.

A foto principal foi tomada en condicións favorables: o eixo de rotación do planeta está inclinado 98 graos e neste período vira o seu polo norte cara ao Sol, polo que é coma se vísemolo desde arriba do polo. Pódense ver claramente once dos trece aneis que rodean o planeta, como os de Saturno, incluídos dous moi afastados e moi tenues, case invisibles en condicións normais. Ademais, pódense ver nove satélites orbitando o xigante gaseoso xeado en órbita baixa: desde a dereita (ás 2 en punto) Rosalind, Puck, Belinda, Desdemona, Cressida, Bianca, Portia, Juliet e Perdita.

Pero ao ampliar o campo de observación aparecen tamén os grandes satélites, coñecidos desde hai séculos: Oberon, Umbriel, Ariel, Miranda e o máis grande, Titania. Tamén se pode notar a nube que cobre o polo norte do planeta. Trátase dunha fotografía realmente extraordinaria que pechou un ano no que o telescopio James Webb proporcionounos imaxes impresionantes do Universo que están a cambiar a astronomía.

FONTE: Paolo Virtuani/elmundo.es/ciencia