HOXE ECIPSE SE SOL. GALICIA, UN DOS POUCOS LUGARES DE EUROPA ONDE SE VERÁ, ISO SI, MOI POUCO TEMPO

Eclipse solar total tomada desde Svalbard (Noruega) / HAAKON MOSVOLD/EFE

Como xa adiantamos na sección O CEO DO MES, Galicia será un dos poucos lugares de España e de Europa que poderá gozar da próxima eclipse de sol, que se producirá hoxe luns, 8 de abril. Aínda que, iso si, será un visto e non visto, xa que comezará só uns minutos antes da posta do sol.

A eclipse total de sol poderá contemplarse integramente só en tres países de América do Norte: México, Estados Unidos e Canadá. E poderano ver, de maneira parcial, e moi debilmente, só os habitantes das provincias da Coruña e Pontevedra, do arquipélago canario, e de Islandia, Azores, Madeira e o oeste do Reino Unido.

Isto é así porque a eclipse solar total practicamente coincidirá, en Galicia, coa posta do Sol. O fenómeno comezará ás 21:02 horas e durará ata as 22:45, co seu apoxeo entre as 21:54 e as 21:55. Pero o Sol poñerase na comunidade ás 21:09 horas, moitísimo antes de que este chegue ao seu punto máximo, polo que os afeccionados á astronomía só poderán gozalo nas provincias máis occidentais, Pontevedra e A Coruña, durante apenas 7 minutos. Os canarios poderán facelo tres minutos máis.

Veremos se o tempo acompaña!

FONTE: lavozdegalicia.es