O CONTO DO GUERREIRO QUE DESCUBRIU A PAZ INTERIOR

Cales son os segredos da paz interior? Como alcanzar ese benestar mental nun mundo con tanto ruído e distraccións? Mónica Esgueva, experta en desenvolvemento persoal e escritora, ofrece algunhas claves para conseguilo. Desde a súa experiencia e aprendizaxes, Esgueva fala de temas tan fundamentais como a serenidade, a aceptación, o altruísmo, a atención, o desapego e o silencio. Piares para unha vida con máis sentido, máis consciente e cunha adecuada xestión emocional.

Desde hai máis de 15 anos, Mónica Esgueva dedícase á transformación das persoas. Ela mesma afrontou un cambiou profundo cando decidiu renunciar a “unha vida chea de todo, pero que me facía sentir baleira”, explica. Admiradora do monxe budista Matthieu Ricard, a quen coñeceu persoalmente, Mónica Esgueva estudou cos lamas en Nepal para entender os seus ensinos e lograr inspiración, co obxectivo de vivir unha vida máis plena e de axudar a outros a conseguilo. Está considerada un referente no mundo hispano por axuntar os mellores ensinos das correntes oriental e occidental. É pioneira na introdución do Mindfulness en España e experta en meditación, desenvolvemento espiritual e conciencia. Tamén é autora de nove libros de desenvolvemento persoal, entre os que destacan os best-sellers ‘Mindfulness: unha guía práctica’ (Ed. Planeta) e ‘Cando sexa feliz’ (Ed. Urano). Neste ano, 2024, publicou o seu primeiro libro en inglés, ‘The 7 levels of Wisdom’ (Ed. John Hunt Publishing). Apaixonada doutras xentes e culturas, percorreu máis de 110 países e residiu en Asia, Tanzania, París e Londres.