O BARCO MÁIS GRANDE DO MUNDO EQUIVALE A A CATRO CAMPOS DE FÚTBOL

O superpetroleiro Knock Nevis / Amazing.Zone

O Knock Nevis, antes chamado Seawise Giant, Happy Giant, Jahre Viking e Mont foi un superpetroleiro ULCC (Ultra Large Crude Carrier) construído entre 1979 e 1981, nos estaleiros de Oppama (Xapón). Con 458 metros de eslora, 29,8 de puntal, 69 metros de manga e velocidade 16 nós era o barco máis grande do mundo, e o que, á súa vez, posuía a maior tonelaxe de rexistro (TRB) bruto ata a data.

 Gráfico comparativo do tamaño dos maiores buques: Knock Nevis, Emma Mærsk, RMS Queen Mary 2, MS Berge Stahl e USS Enterprise (CVN-65).

En condición de máxima carga, o seu desprazamento era de 657.019 toneladas (646.642 LT; 724.239 LT), o buque con maior desprazamento da historia, e cun calado de 24,6 m, non podía atravesar a Canle da Mancha, a Canle de Suez ou a Canle de Panamá.​ De maneira xeral, considerouse como o maior buque xamais construído e o maior obxecto móbil realizado polo home.

O seu último destino foi como almacén flotante e descarga Off-Shore (FSO), fondeado na costa de Qatar (Golfo Pérsico), no campo petrolífero Ao Shaheen. 

O buque foi renombrado como Mont para a súa viaxe final en decembro de 2009 á India onde, despois de conseguir o permiso das autoridades aduaneiras, foi varado para o seu desmantelamento.

FONTE: es.wikipedia.org

ANIMAIS MIMÉTICOS V

Continúo coa serie adicada á sabedoría do reino animal na que algúns deles viven cun permanente disfrace todo o ano: son expertos na camuflaxe. Trátase de animais coa habilidade do mimetismo, unha capacidade que teñen certos seres vivos para asemellarse a outros organismos e á súa propia contorna para obter algunha vantaxe.

8. Noitébrega

Caprimulgus europaeus é dun diminuto paxaro, presente en diferentes partes do mundo, incluíndo España, onde habita nalgunhas zonas de Galicia. Tras esta especie hai unha gran variedade de lendas populares e todas a definen como un ave misteriosa, pois a súa actividade é sobre todo nocturna e atópalas preto do gando.  A súa plumaxe tamén lles permite camuflarse entre ramas e follas secas.

9. Peixe leopardo

 

O peixe leopardo (Bothus pantherinus) atópase entre augas pouco profundas, arenosas e con lodo, próximas a arrecifes. Este linguado é xeralmente de tons marróns cun moteado de manchas escuras e brancas que se asemellan á superficie pola que transita este peixe.

FONTE: Sarah Romero/muyinteresante.com, foroambiental.net e fishbase.mnhn.fr

#DígochoEu: O teu colexio ou insti pode ser o gañador dos próximos premios

Hai ata 500 euros en premios, e para participar só tes que convencer o teu profe para que nos envíe unha proposta enxeñosa a [e-mail]

Tes ata o 22 de decembro! Bases en Bases en crtvg.gal

#DígochoEu

#DígochoEu: As cidades españolas en galego

Aquí tes como se din as cidades españolas en galego!

#DígochoEu

A (Terrible) Solución Rápida ao Cambio Climático

Ante o quecemento global poderiamos usar a tecnoloxía para… MODIFICAR O CLIMA?? Si. Hoxe imos ver que poderiamos combatelo... facendo que o Sol quente un pouquiño menos! Aínda que soe raro, esta sería unha maneira bastante rápida de arrefriar o planeta. Problema resolto!... Ou non? Imos velo.

FONTE. QuatumFracture

ANIMAIS MIMÉTICOS IV

Continúo coa serie adicada á sabedoría do reino animal na que algúns deles viven cun permanente disfrace todo o ano: son expertos na camuflaxe. Trátase de animais coa habilidade do mimetismo, unha capacidade que teñen certos seres vivos para asemellarse a outros organismos e á súa propia contorna para obter algunha vantaxe.

6.   Bolboreta folla seca

 

A bolboreta folla seca (Gastropacha quercifolia) é unha avelaíña que se atopa en Europa e o norte e o leste de Asia. A súa particularidade reside en que, cando está en repouso, parece completamente unha folla seca dunha árbore en cor marrón. Adoita ter unha envergadura de entre 50 e 90 milímetros (as femias son máis grandes) e as súas larvas aliméntanse de salgueiro e carballo.

7. Dragón de mar foliáceo

É un peixe mariño Phycodurus eques e parente dos cabaliños de mar. É orixinario das costas sur e oeste de Australia. Recibe o seu nome debido ás súas longas prolongacións en forma de folla cuxa principal función é a da camuflaxe. O dragón de mar foliáceo se propulsa mediante unha aleta pectoral situada no fío do pescozo e unha aleta dorsal próxima ao extremo da cola. Estas son practicamente transparentes e difíciles de ver posto que ondulan o xusto como para mover ao animal suavemente, dando a impresión do animal como un alga flotante.

Continuará...

FONTE: Sarah Romero/muyinteresante.com e foroambiental.net

ANIMAIS MIMÉTICOS III

Continúo coa serie adicada á sabedoría do reino animal na que algúns deles viven cun permanente disfrace todo o ano: son expertos na camuflaxe. Trátase de animais coa habilidade do mimetismo, unha capacidade que teñen certos seres vivos para asemellarse a outros organismos e á súa propia contorna para obter algunha vantaxe.

4.   Insecto folla xigante

 

O insecto folla xigante (Phyllium giganteum) é unha especie de insecto pau e como podemos comprobar a súa camuflaxe é excelente. Utiliza unha coloración críptica para evitar aos depredadores. Adoita manterse inmóbiles durante moito tempo e poden ser atopados nos bosques tropicais de Malaisia. O curioso desta esta especie é que só existen femias; elas poñen ovos sen fertilizar desde os que nacen novas femias.

5. Peixe Pedra

O seu nome cientíco é Synanceia verrucosa e trátase do peixe máis velenoso de océano. O peixe pedra é un pésimo nadador e habita nas augas australianas. Os seus tons e textura fan que sexa moi difícil de diferenciar do chan mariño. Posúe ata 13 aguillóns cun forte veleno, que pode ser fatal mesmo para os humanos.

Continuará...

FONTE: Sarah Romero/muyinteresante.com e foroambiental.net

Como adestrar a intelixencia do teu corpo.

Estanislao Bachrach, recoñecido doutor en Bioloxía Molecular de orixe arxentina, dedicou a súa carreira científica a investigar a relación entre o cerebro e o comportamento humano,na procura das respostas que a neurociencia pode achegar para mellorar o benestar das persoas.

Ademais da súa formación científica, Bachrach especializouse en liderado, innovación e intelixencia emocional, realizando un máster en Coaching Deportivo de Alto Rendemento en Barcelona. Durante a súa etapa como docente no Departamento de Bioloxía Molecular da Universidade de Harvard foi recoñecido polos seus alumnos, durante cinco semestres consecutivos, como o mellor profesor porque era o único que se atrevía a responder: "Non o sei".

A súa paixón pola divulgación científica levoulle a publicar best sellers como Axilmente e En cambio, que describen como aproveitar o potencial do cerebro para desenvolver a aprendizaxe e a creatividade. "A miña proposta é que dubiden, porque a ciencia, aínda que é moi interesante e ten un método de estudo, está feita por persoas, e as persoas, os científicos, somos normais e estamos nesgados cando tomamos decisións", afirma o doutor. Nos últimos anos, combinou o seu traballo como docente e investigador co asesoramento de deportistas de elite, aos que axuda a mellorar o seu rendemento a través do autoconocimiento, a identificación de pensamentos limitantes e a xestión das emocións.