No #ApuntamentoLusófono de hoxe falaremos dos finalistas dos dous concursos do #DígochoEu: o dos vídeos dos centros educativos e o da canción para Esther! Son catorce centros que imos visitar e cinco cancións que imos gravar nos próximos meses! No programa de hoxe Rodrigo tamén nos contou a súa experiencia en Disneyland París!
#DígochoEu
Continúo co a serie, que onte comezamos, adicada a Asia, o maior e máis poboado dos cinco continentes do noso planeta.
A contestación correcta á pregunta do último día é Yangtzé. É o río máis importante en lonxitude de China cun curso total de 6.300 km, que o converten o terceiro máis longo do mundo tras o Nilo e o Amazonas. É, así mesmo, o máis longo de Asia. Polo seu caudal medio é o cuarto río máis caudaloso da Terra, tras o Amazonas, o Congo e o Paraná. Na súa conca, de case 1.800.000 km² de área, viven uns 350 millóns de habitantes. É navegable nunha lonxitude de 2.800 km desde a Shanghai, na desembocadura, ata Panzhihua, situándose no medio importantes cidades como Nanjing, Wuhan ou Chongqing, as tres antigas capitais chinesas.
E imos coa pregunta de hoxe!
2. Cal é o punto de altitude máxima de Asia?
- Kânchenjunga
- Makalu
- K2
- Everest
Mañá a solución e unha nova pregunta!
FONTE: gl.wikipedia.org Imaxe: Luca Galuzzi/es.wikipedia.org
Esther Estévez conteta á pregunta se é correcto dicir ’moteiro’. Se a Academia Galega xa se comprometeu a incluír ’praceiro’, seguro que axiña atmen incluirá no dicionario esta palabra!
#DígochoEu
Continúo cos novos episodios de Órbita Layka, programa de divulgación científica divertido e sorprendente, cheo de curiosidades e de sentido do humor, presentado polo matemático e profesor de Linguaxes e Sistemas Informáticos Eduardo Sáenz de Cabezón Irigaray.
Na sección de química do programa de hoxe dedicado aos refugallos, a química, investigadora en ciencia de materiais e divulgadora, Deborah García Bello, realiza unha demostración do proceso de captación de CO2 por postcombustión por absorción química.
Moi visual!
FONTE: Rtve
Asia é o maior e máis poboado dos cinco continentes do planeta Terra localizado principalmente nos hemisferios norte e oriental. Abrangue un terzo das partes sólidas da superficie da Terra e é responsábel por albergar case tres quintos da poboación mundial.
Pero, canto sabes sobre Asia? Propóñoche averígualo, a través dunha serie de preguntas diarias. Anímanste?
Pois empezamos!
1. Cal é o río máis longo de Asia?
- Mekong
- Huang He (Amarelo)
- Yangtzé
- Indo
Mañá a solución e unha nova pregunta!
FONTE: gl.wikipedia.org Imaxes: contenidos.educarex.es e
Remato coa serie América, o segundo continente máis grande da Terra, despois de Asia.
A contestación correcta á pregunta de onte é aproximadamente 80 km. Exactamente 77,1 km. Esta canle está localizada en Panamá, no punto máis estreito entre o mar Caribe e o océano Pacífico. Os cortes da canle a través do istmo de Panamá son un conduto clave para o comercio marítimo internacional. Hai esclusas en cada extremo para alzar barcos ata o lago Gatún, un lago artificial creado para reducir a cantidade de traballo de escavación necesaria para a canle, 26 metros sobre o nivel do mar. Inaugurado o 15 de agosto de 1914, tivo un grande efecto na economía mundial ao diminuír a distancia e os tempos da comunicación marítima entre os océanos Atlántico e Pacífico, xa que antes os pasos naturais utilizados entre estes océanos eran o estreito de Magallanes e o cabo de Fornos, situados no extremo austral de Chile.
E así remato esta serie, da que quedan moitas outras preguntas que serán motivo doutra serie.
Ata a próxima serie!
FONTE: gl.wikipedia.org Imaxe: elpais.com
Vai eliminando estes tres castelanismos do teu vocabulario: nin *nudo, nin *anudar, nin *desanudar.
A Conferencia das Nacións Unidas sobre o Cambio Climático, COP27, rematou cun acordo decisivo para proporcionar financiamento por "perdas e danos" aos países vulnerables duramente afectados polos desastres climáticos.
"Este resultado fainos avanzar", dixo Simon Stiell, Secretario Executivo de ONU Cambio Climático. "É un resultado histórico que beneficia aos máis vulnerables de todo o mundo. Determinamos o camiño para seguir nunha conversación que durou décadas sobre o financiamento das perdas e os danos, deliberando sobre como abordar os impactos nas comunidades cuxas vidas e medios de subsistencia foron arruinados polos peores impactos do cambio climático”.
Nun contexto xeopolítico difícil, a COP27 deu lugar a unha serie de decisións que reafirmou o seu compromiso de limitar o aumento da temperatura mundial a 1,5 graos centígrados por encima dos niveis preindustriales. Ditas decisións tamén serviron para reforzar a acción dos países para reducir as emisións de gases de efecto invernadoiro e adaptarse para os efectos inevitables do cambio climático, ademais de impulsar o apoio ao financiamiento, a tecnoloxía e a creación de capacidades que necesitan os países en desenvolvemento.
Na conferencia fixéronse moitos anuncios:
- Os países lanzaron un paquete de 25 novas accións de colaboración en cinco áreas crave: enerxía, transporte por estrada, aceiro, hidróxeno e agricultura.
- O Secretario Xeral da ONU, António Guterres, anunciou un plan de 3.100 millóns de dólares para garantir a protección de todos os habitantes do planeta mediante sistemas de alerta temperá no próximos cinco anos.
- O Grupo de Expertos de Alto Nivel do Secretario Xeral das Nacións Unidas sobre Compromisos Cero Neto publicou un informe na COP27, que serve de guía para garantir compromisos cribles e responsables de cero emisións por parte da industria, as institucións financeiras, as cidades e as rexións.
- Na COP27 púxose en marcha un plan liderado polo G7 chamado Global Shield Financing Facility (Fondo de Financiamento do Escudo Global) para proporcionar financiamento aos países que sofren desastres climáticos.
- Ao anunciar un total de 105,6 millóns de dólares en novos fondos, Dinamarca, Finlandia, Alemaña, Irlanda, Eslovenia, Suecia, Suíza e a Rexión Valona de Bélxica, subliñaron a necesidade dun apoio aínda maior aos fondos do Fondo para o Medio Ambiente Mundial destinados ás necesidades inmediatas de adaptación ao clima dos estados de baixa altitude e de baixos ingresos.
- A nova Asociación para a Transición Enerxética Xusta de Indonesia, anunciada no Cume do G20 celebrada en paralelo á COP27, mobilizará 20.000 millóns de dólares no próximos tres a cinco anos para acelerar unha transición enerxética xusta.
- Lográronse importantes avances na protección dos bosques co lanzamento da Alianza de Líderes polos Bosques e o Clima, cuxo obxectivo é unir a acción dos gobernos, as empresas e os líderes comunitarios para deter a perda de bosques e a degradación da terra para 2030.
Moitos titulares, eso é o que son, pero realmente poucos compromisos reais!
FONTE: unfccc.int/es Imaxe: .rtve.es