Continúo co repaso as noticias que marcaron o ano 2020 no eido da investigación científica, nas súas diversas disciplinas. Agora tócalle o turno ao mes de...
OUTUBRO
1. Os indicios de vida en Venus poderían ser un erro de medición: Durante iste mes, publicáronse estudos realizando unha forte crítica á fosfina achada en Venus, cuxo descubrimento anunciárase o mes pasado, e que podería ser un indicio de vida mirobiana. En concreto, tres estudos: o día 2, un informe, aínda que non cuestionaba a detección, propoñía unha explicación alternativa á súa existencia: o vulcanismo. Outro estudo, ’Non statistically significant detection of phosphine?’ (’Non hai detección estatisticamente significativa de fosfina?’), do día 21, no que se avalía a “fiabilidad estatística” da detección de liñas mediante unha nova análise independente dos datos de ALMA; e outro informe titulado Non phosphine in the atmosphere of Venus ou ‘Non hai fosfina na atmosfera de Venus’, que explica como a aparente detección de fosfina, a través de observacións de radio de ondas milimétricas (ás que chama G2020) “non é compatible coas nosas análises de datos”.
2. A Lúa alberga máis auga do que criamos: Dous estudos revelan a existencia de distintas fontes de auga na superficie da Lúa. O primeiro indica a presenza de auga por primeira vez na cara iluminada. O segundo sinala a existencia de pequenas fendas ás que non chega a luz do Sol, cheas de xeo, na superficie do noso satélite. Este achado resulta prometedor para os futuros residentes da Lúa, aos que lles sería moito máis fácil do esperado contar con recursos hídricos.
3. A NASA recupera o contacto coa Voyager 2: A Voyager-2 da NASA leva viaxando polo espazo 43 anos (e case dous anos no espazo interestelar) e estaba completamente soa desde o últimos oito meses nos que se perdeu o contacto. Afortunadamente, a finais deste mes enviáronse algúns comandos á nave espacial durante unha proba e, despois de 34 horas e 48 minutos, o equipo recibiu un saúdo desde o espazo profundo. A Voyager 2 seguía viva! A nave espacial atópase perfectamente e é capaz de executar comandos a 18.800 millóns de quilómetros da Terra.
Continura. Mañá novembro!
FONTE: Idea orixinal Laura Marcos/muyinteresante.es
