O próximo venres, día 1 de setembro, comezan os exames de setembro, continuando o luns día 4. Este mesmo día serán as avaliacións de 2º de bacharelato e a entrega de notas (13 horas). O martes día 5 serán as sesións de avaliación de 1º de bacharelato e ESO, sendo a entrega de notas o mércores, día 6, as 9 horas.
Indicarvos que houbo CAMBIOS no calendario de exames, polo que aconséllovos que comprobedes as datas e horas, premendo AQUÍ.
Boa sorte a tod@s!
A Xefatura de Estudos do noso IES, fixo algunhas modificacións nas datas, horas e lugares de certas materias nos exames de setembro.
No referente ás miñas materias (F e Q 2º ESO, Bio-Xeo pendentes 1º ESO, Ciencias da Natureza pendentes 1º ESO e Bioloxía e Xeoloxía 1º ESO) só sufríu unha variación.
* F e Q de 2º ESO: mantén o día, luns día 4, pero pasa a ser no Salón de Actos, de 8:20 a 9:50 horas.
No referente á miña Titoría, 1º ESO A, a única materia con alumnos suspensos, Inglés, non sufríu variacións.
Para o resto de cursos e materias, consuslta as posibles variación premendo AQUÍ.
O noso Centro / Imaxe: Atlántico Diario
A ORDE do 12 de xuño de 2017 establece o calendario escolar para o curso 2017/18 nos centros docentes sostidos con fondos públicos na Comunidade Autónoma de Galicia.
Data de comezo do curso: 15 de setembro de 2017
Data de remate do curso: 21 de xuño de 2018
Períodos de vacacións:
Día do Ensino: 7 de decembro de 2017.
Vacacións Nadal: do 22 de decembro de 2017 ata o 7 de xaneiro de 2018, ambos inclusive.
Entroido: 12, 13 e 14 de febreiro de 2018
Semana Santa: do 24 de marzo ao 2 de abril de 2018, ambos inclusive.
Se queres consultar polo miudo a citada orde preme AQUÍ.
Aulas sen alumnado / Imaxe:LaRed21
Chegou o día 23. Rematan as clases! Iso si o mércores, día 28, ás 10 horas, será a hora H, a recollida das cualificacións deste curso escolar.
E despois, VACACIOOOOOOOOÓNS!
E os que suspenderon? Tamén teñen vacacións, só que con organización toto ten arreglo: unhas horas pola mañá e o resto do día descanso. Iso si, o horario hai que cumprilo para que non levemos sustos outra vez en setembro.
Boas vacacións a tod@s!
Verán /Imaxe: agenciadecomunicación.com
Hoxe día 21, ás 6:14 horas, comeza o verán. Estación que durará 93 días e 15 horas, ata o 22 de setembro, data que comezará o outono.
Este día ten lugar o solsticio de verán, é dicir o momento no que o eixe da Terra está o máis orientado cara ao Sol. Hoxe o Sol estará ao mediodía no punto máis alto do ceo e será tamén o día máis longo do ano, podendo disfrutar de moitas horas de luz.
Benvido!
A Consellería de Cultura, Educación e Ordenación Universitaria abre hoxe o prazo para que as familias soliciten a súa participación no Fondo Solidario de Libros de Texto, ou ben as axudas para a adquisición de libros de texto, e de vales para material escolar destinadas ao alumnado matriculado en Educación Primaria, ESO e Educación Especial en centros sostidos con fondos públicos para o vindeiro curso 2017/18.
O vindeiro curso 2017/2018 o Fondo solidario de libros de texto estará accesible para o alumnado matriculado en 3º, 4º, 5º e 6º de primaria, e en 1º, 2º, 3º e 4º de ESO. Nos restantes cursos -1º e 2º de educación primaria, e en educación especial- funcionarán as axudas para a adquisición de libros de texto. No caso do material escolar, convócanse axudas para a súa compra destinadas ao alumnado matriculado na educación primaria, ESO e educación especial.
As solicitudes poderá presentarse de xeito presencial nos propios centros docentes onde estea matriculado o alumno (con carácter preferente), ou ben nos rexistros oficiais establecidos para tal fin, co formulario cuberto e a documentación requirida.
O prazo remata o día 23 de xuño.
Para máis información preme AQUÍ.
FONTE: Cosellería de Cultura, Educacion e Ordenación Universitaria.
Volta ás clases / Imaxe:eoisantiago.org
Comezamos a terceira e última avaliación do curso. Realmente son dous meses. Moi pouco tempo, polo que a actividade será moi intensa. E aínda por riba, un rosario de festivos faran a avaliación moito máis pequena. Vexamos!
Estamos a día 18 de abril, máis da metade do mes. O día 1 de maio, luns, festa do 1º de maio, Día do Traballo. O 2 de maio, día non lectivo nos centros escolares de A Guarda (2º día a que teñen dereito. O primeiro foi o día de Santa Trega). Na metade do mes, o día 17, mércores, Día das Letras Galegas. E, xa en xuó, o 23, venres, rematan as clases.
Espérannos dous meses moi, moi... complicados!
Vacaciones de Semana Santa / Imaxe:IES Alborán
Hoxe, venres, 7 de abril, ás 14 horas comezan as vacacións de Semana Santa, despois da recollida das temidas notas.
Xa era hora! A verdade é que iste trimestre foi moi logo, pero pola contra o terceiro será case un suspiro.
Retomamos as clases o martes, día 18.
Boas vacacións a to@s!