COMUNICADOS

ENORME FENDA DE VARIOS QUILÓMETROS EN QUENIA

 

 

 

A abertura esténdese durante varios quilómetros polo sur de Quenia / Thomas Mukoya/Reuters

A terra abriuse hai uns días no suroeste de Quenia (África). Ao longo de varios quilómetros, atravesando campos, gretando estradas e furando a reserva Masai Mara, a abertura alarmou aos aldeáns e provocou certo balbordo nalgúns medios. Hai quen di que o continente africano está a partirse en dous. É certo, pero aínda quedan uns cuantos millóns de anos para que iso ocorra.

A racha na terra é un recordatorio de que a Terra é un planeta en movemento. A superficie terrestre está gretada como un vello cadro en varias placas tectónicas que, no seu rozamento, desatan fenómenos como terremotos ou erupciones volcánicas, levantan montañas e abren vales. Ese mesmo movemento fai que cada placa sexa tamén inestable.

No caso da rexión oriental da placa africana, o encontrón constante coas placas arábiga e india, que empuxan desde o norte, está desgaxando a porción este de o continente africano. A súa manifestación máis visible é o Gran Val do Rift, unha ampla franxa de terreo que vai desde Mozambique, ao sur, ata o corno de África e máis aló.

Non será a última vez que suceda. Baixo a terra hai un proceso de división da placa africana en dúas novas, a nubia ao oeste e a etíope ao leste. É ese mesmo proceso o que está detrás dalgunhas das marabillas desta parte de África. O Gran Val do Rift está formado en realidade baixo varias fracturas da cortiza terrestre. Por encima correspóndense co Rift Albertino o Rift de África Oriental. O conxunto de vales sobre fallas ten unha extensión duns 5.000 quilómetros. Ao longo das fracturas atópanse os principais volcáns africanos. Os grandes lagos, desde o Vitoria ao Tanganica, pasando polo Turkana ou o Natrón, débense á presenza destas fallas. E grazas a elas tamén esta zona é a rexión coa maior porción de biodiversidade que queda no planeta. Nalgún momento, quizá dentro de 50 millóns de anos, haberá dous áfricas, pero aínda non. Unha greta quilométrica lembra que África está a dividirse en dúas, peroo aínda non.

FONTE:Miguel A. Criado/Xornal El País/Ciencia

CAMBIO DE HORA: VERÁN

Cambio de hora / Imaxe: ideal.es

Esta noite, madrugada do sábado 24 ao domingo 25 de marzo, comeza o horario de verán. Esta modificación supón adiantar unha hora os reloxos para aproveitar mellor a luz solar. Polo tanto, ás 2 haberá que cambiar o reloxo ás 3. É dicir, perdemos unha hora de día o domingo, que terá 23 horas.

O cambio horario obedece ao cumprimento da Directiva Europea 2000/84/CE do Cambio de Hora que pretende favorecer o aforro enerxético.

O Instituto para a Diversificación e Aforro da Enerxía (IDAE) estima que o aforro potencial que se produce durante o verán en España é dun 5%, o que representa uns 300 millóns de euros.

COMEZO DA PRIMAVERA 2018

Primavera na Coruña / Imaxe:cosipava.wordpress.com

Hoxe, martes, 20 de marzo, ás 17 horas e 15 minutos, hora oficial peninsular, comeza a primavera. Esta estación durará 92 días e 18 horas, e rematará o 21 de xuño co comezo do verán.

O inicio da primavera é a época do ano en que a lonxitude do día alóngase máis rapidamente. Ás latitudes da península, o Sol sae polas mañás máis dun minuto antes que o día anterior, e pola tarde ponse máis dun minuto despois. Como consecuencia, ao comezo da primavera, o tempo en que o Sol está por encima do horizonte aumenta case tres minutos cada día.

Que disfrutedes dela!

FELIZ 2018

Felicitación / Imaxe: buenanavidad.com

 

Un brinde pola vida, que en calquera caso vale a pena vivir. Un 2018 cheo paz e felicidade. Todo o demais podedes agregalo ao voso gusto.

VÍCTOR

COMEZO DO INVERNO

Inverno / Imaxe: s1.1zoom.me

Hoxe, 21 decembro, comeza o inverno, concretamente ás 17:28 hora peninsular. Durará 88 días e 23 horas, cando empece a primavera, 20 de marzo.

O solsticio de inverno, que dá comezo e nome á estación, é o día máis curto do ano (ao mediodía o sol alcanza o punto máis baixo de todo o ano). A partir de hoxe os días comenzan a alargarse.

É o que toca!

CHEGA O HORARIO DE INVERNO

Cambio horario: ás tres volven a ser as dúas

Esta noite cámbiase a hora por segunda vez neste 2017. Nesta ocasión os reloxos atrásanse unha hora, e ás tres da mañá volven ser as dúas. Unha hora extra de sono esta fin de semana, que sempre vén cargada de debate. Este cambio horario é parte da directiva europea 2000/84/CE que afecta a todos os Estados membros da UE e que pretende aproveitar mellor as horas de luz solar para consumir menos electricidade.

Normalmente trátase do último fin de semana de outubro para o cambio de horario de inverno, e o último de marzo para o de verán. No outono atrasamos o reloxo unha hora, e na primavera, adiantámola.

En España contamos coa particularidade de que temos dúas horas oficiais, unha para a Península e o arquipélago balear e outra para as Illas Canarias, que van unha hora por detrás desde 1922. Ambas adiantan ou atrasan unha hora segundo corresponda, aínda que durante 60 minutos a península e as Canarias teñen a mesma hora unha vez ao ano: durante a hora que na península xa atrasamos e no arquipélago aínda non.

Cada vez que chega un cambio de hora, en España (e no resto de Europa) facémonos a mesma pregunta: está España no fuso horario correcto? O certo é que non ten sentido que Galicia e Portugal leven unha hora, cando están no mesmo meridiano.

Todo empezou en 1942 cando, no medio da II Guerra Mundial, e para congraciarse co III Reich alemán, o Goberno de Franco ordenou que ás 11 da noite pasasen a ser as 12. E aínda que ao principio ía ser unha decisión temporal o certo é que España nunca volveu ao fuso horario que lle corresponde: o do meridiano de Greenwich (GMT no inverno).

Por esta razón, a península española ten a Hora Europea Central (a de Berlín) en lugar da Occidental (a de Londres), polo que temos unha hora de adianto con respecto ao sol no inverno e dous no verán.

Sexa como sexa, a durmir unha hora máis!

FONTE: Patricia Muñoz de la Llave/Xornal El País

CHEGOU O OUTONO

Caída das follas no outono / Imaxe:artistasde1a.blogspot.com.es

Hoxe, 22 de setembro, concretamente ás 22:02 horas, comeza o outono. Durará ata o 21 de decembro, cando empece o inverno despois de 89 días e 20 horas.

O equinoccio de outono, que dá comezo á estación que lle dá o seu nome, é o momento do ano en que o día ten a mesma duración que a noite. A partir de hoxe os días serán cada vez máis curtos, e é que o outono é a época en que a lonxitude do día acúrtase máis rápido.

Bo outono a tod@s!

CHEGOU O DÍA!

Dilema da xubilación / Imaxe:Howden Iberia

Chegou o día, 31 de agosto de 2017. Un día de cambio de ciclo na miña vida: A xubilación!

Despois de 40 anos de traballo comezo unha nova etapa, na que botarei de menos o contacto diario cos mesus alum@s. Foron moitos anos!

Pero a vida segue e esto é un punto e seguido. Mañá, 1 de setembro, este blog seguirá, pero cambiará de aspecto, adecuándose a nova situación da miña vida. Aparecerán novas sección e desaperecerán todas as relativas á información das notas, titorias... Lóxico!

Nunca pensei que me custase tanto!