COMUNICADOS

MODIFICACIÓN NA AVALIACIÓN NA ESO

O Diario Oficial de Galicia do pasado 24 de xuño, modifica a Orde pola que se regula a avaliación en ESO (21 de decembro de 2007).

Esta modificación consiste en que un alumno cunha materia suspensa en varios curso coa mema denominación, a efectos de promoción e titulación, contaba só como unha materia suspensa. Dende agora considerarase como materias suspensas tanto as materias do curso, como as dos anos anteriores.

Se queres coñecer polo miúdo esta modificacion pincha en:

Modifición Modificación avaliación ESO

Orde que regula a avaliación en ESO Orde reguladora avaliación ESO

PERÍODO DE MATRICULA NA ESO

Xa está aberto o prazo de matrícula para alumnos-as de 1º, 2º, 3º e 4º da ESO, sempre que aprobaran todas as materias en xuño. Os alumnos-as con algunha materia suspensa farano en setembro, despois de recibir as cualificacións.

Este período de matricula remata o 10 de xullo. A documentación que terán que presentar, pola mañá, en Secretaria é:

* Fotocopia do DNI.

* Dúas fotografías.

* Impreso cumprimentado da matrícula (recollelo previamente no IES).

* Xustificante de pago do Seguro Escolar (pagado previamente en Caixanova). Este apartado só para alumnos de 3º e 4º da ESO. 

SÁIDA DE 1º ESO Á PRAIA DA LAMIÑA

Fotografía do grupo facilitada por Irika S.M.

Hoxe, 17 de xuño, nun día radiante os alumnos-as de 1º ESO do noso Centro fixeron actividades na praia da Lamiña (Camposancos). Despois dun percorrido a pé ata o lugra de 45 minutos comenzaron as actividades:

- Busca do tesouro por grupos.

- Actividades de E.F e CN alternas de dous en dous grupos.

- Parte final de baño e bocata.

Ás 13,15 regresamos, chegando as 14 horas ao IES.

¡Un día a repetir!

PREMIOS CLIMÁNTICA

Tres alumnos de 2º de ESO deste centro: Estefania González, Patricia Álvarez e Sara Márquez foron convidados ao I Congreso de Climántica, que terá lugar o vindeiro sábado, 21 de xuño, no Pazo de Congresos e Exposicións de Santiago de Compostela.

O motivo é a presentación dun traballo que leva por título: UN DÍA NA VIDA DUNHA ÁRBORE.

Estes alumnos-as foron coordinados polo seu profesor de C. Naturais Miguel Trigo, pertencente a Axenda 21EG do centro.

O seu traballo (narrativa) sera publicado na revista CLMNTK. No seu momento, pois será presentado no citado congreso, publicaremolo nesta páxina.

AVALIACIÓNS

O curso está a piques de rematar. Reséñase o calendario desta última avaliación:

Probas da 3ª avaliación:

1ºA ESO 18 de xuño, mércores

1ºB/C/D 19 de xuño, xoves

 

Remate das clases: 20 de xuño, venres.

Avaliacións:

1ºA ESO 23 de xuño, luns

1ºB/C/D 24 de xuño, martes

2ºC1 24 de xuño, martes

Entrega de notas: 25 de xuño, mércores ás 10 horas.

 

AULAFORO

Eva Luna e Alfonso paseando por Madrid

Dous alumnos do noso IES: Eva Luna Morano Uris e Alfonso Español Losada de 3º B ESO,  en represantación dos alumnos-as que participaban na AULAFORO de Caixa Madrid, viaxaron  a Buitrago de Lozoya (Madrid) onde participaron  con outros rapaces e rapazas de 25 centros de Extremadura, Illas Canarias, Baleares, Galicia e Castela-A Mancha, nunha intensa fin de semana (9 ao 11 de maio) chea de coloquios, grupos de traballo, debates e como non outras actividades de lecer e culturais. Foron acompañados por Miguel Trigo (Profesor do Departamento de Bioloxía-Xeoloxía e membro da A21EG, á que esta ligada a actividade).

AULA FORO é un proxecto educativo que fomenta a práctica de hábitos democráticos na escola: informarse, preocuparse  polo mundo no que vivimos, debatir cuestións que nos afectan e votar con hábitos propios das sociedades democráticas. En resumo unha temática ambiental e de consumo responsable dentro da palabra clave: participación.

Agora, de volta e con enerxías e coñecementos renovados, teñen a oportunidade e a responsabilidade de transmitir aos seus compañeiros e compañeiras todo o aprendido nestes días.

 

BALEA EN OIA

Foto: J. Lores

Na pasada fin de semana, entre as rochas de "O Serrallo" de Viladesuso (Santa María de Oia) atopouse un cetáceo duns 5 m de loxitude en estado de descomposición.

9 DE MAIO: DÍA DE EUROPA

 

O 9 de maio de 1950, Rober Schuman presentou a súa proposta para a creación dunha Europa organizada, requisito indispensable para o mantemento de relacións pacíficas. Esta proposta, coñecida como "Declaración Schuman", considérase o xerme da creación do que actualmente é a Unión Europea. O 9 de maio converteuse no símbolo europeo (Día de Europa) que, xunto coa bandeira, o himno, o lema e a moeda única (o euro) identifican a entidade política da Unión Europea. No Día de Europa celébranse actividades e festexos que achegan Europa aos seus cidadáns e irmandan os distintos pobos da Unión.

Se queres coñecer polo miúdo esta celebración pincha en :EUROPA - O portal da Unión Europea