#DígochoEu: Non digas *as cárceles
Se nos levan presos, non imos á *cárcel en galego! Onde imos entón? Esther Estévez Casado acláranolo!
DOCENCIA
CANTO SABES SOBRE OS PREMIOS NOBEL XXII (FIN)
Remato coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Estados Unidos. Efectivamente EE UU é o primeiro país con máis premios nobel. Séguelle, en segundo lugar, Reino Unido. En terceiro lugar, Alemaña. Finalmemte, en cuarto lugar, Francia. E despois, Suecia...
Así termino esta serie, presupoñendo que quedan moitas preguntas por facer, que de seguro serán motivo doutra serie!
Ata a próxima!
FONTE: Idea orixinal muyinteresante.es e gal.wikipedia.org Imaxe: banderasmundo.es
FONTE: Idea orixinal muyinteresante.es e gal.wikipedia.org
CANTO SABES SOBRE OS PREMIOS NOBEL XXI
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Francis Mojica. O nobel de Química é, con diferenza, o "patiño feo" dos premios, o menos glamouroso. Con todo, historicamente, foi sen dúbida un dos máis importantes. Boa mostra diso é que Real Academia das Ciencias de Suecia concedeu a Emmanuelle Charpentier e Jennifer A. Doudna o premio Nobel de Química 2020 por CRISPR-Cas9. Suecia decidiu premiar un dos grandes descubrimentos xenéticos do noso tempo, as tesoiras moleculares; un sistema revolucionario que permitiu darlle a volta a moitas das cousas que sabiamos sobre os nosos xenes, pero esqueceuse ao español que descubriu o mecanismo: Francis Mojica.
E imos coa pregunta de hoxe, e última da serie!
21. Cal é o país que máis premios Nobel ganou e a súa orde?
- Alemaña
- Reino Unido
- Francia
- Estados Unidos
Mañá a solución e fin da serie!
FONTE: Idea orixinal muyinteresante.es e gal.wikipedia.org
#DígochoEu: Aprende os puntos cardinais
Hoxe con Esther Estévez Casado aprendemos os puntos cardinais, pero sen *brúxulas nin *búsolas!
CANTO SABES SOBRE OS PREMIOS NOBEL XX
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Stephen Hawking. Stephen William Hawking tivo innumerables recoñecementos dos seus pares por posuír unha das mentes máis brillantes da ciencia, pero nunca lle deron o premio Nobel porque as súas ideas non puideron ser demostradas. O comité Nobel busca probas, non grandes ideas. Hawking era un teórico, un pensador profundo e as súas meditacións acerca dos buracos negros e a orixe e natureza do universo non obtiveron as probas contundentes necesarias para gañar os premios.
E imos coa pregunta de hoxe!
20. Nesta lista hai un que non recibiu o preimio Nobel de Química. De quen estou a falar?
- Svante Arrhenius
- Luis Federico Leloir
- Michael Smith
- Francis Mojica
- Jennifer Doudna
Mañá a solución e unha nova pregunta!
FONTE: Idea orixinal muyinteresante.es e gal.wikipedia.org
#DígochoEu: Aprende nun minuto o infinitivo conxugado
Este tempo verbal é único do galegoportugués. Hoxe, Esther Estévez Casado explícanos como e cando o podes usar!
CANTO SABES SOBRE OS PREMIOS NOBEL XIX
Continúo coa serie adicada aos Premios Nobel, instaurados por Alfred B. Nobel, no que estou pondo a proba os teus coñecementos sobre istes premios.
A contestación correcta á pregunta de onte é Non. Con todo, se alguén estaba vivo cando foi nomeado, pero morreu antes de que se lle entregase o premio, si poderá concederse a título póstumo.
E imos coa pregunta de hoxe!
19. Nesta relación de físcos hai un que non recibiu o premio Nobel de Física. Cal é?
- Niels Bohr
- Luis Walter Alvarez
- Peter Higgs
- Stephen Hawking
- Reinhard Genzel
Mañá a solución e unha nova pregunta!
FONTE: Idea orixinal muyinteresante.es e gal.wikipedia.org
#DígochoEu: Aprende a distinguir vogais abertas e pechadas (capítulo 5)
Velaquí o quinto capítulo sobre vogais abertas e pechadas! Atención ás indicacións de Esther Estévez Casado.