DOCENCIA

A CULTURA QUE CONTEÑEN AS MOEDAS DO EURO VIII

Continúo con esta serie que recolle a información cultural que amosan as distintas moedas do euro.

8. Italia: Coliseo Romano

O Coliseo ou Anfiteatro Flavio é un anfiteatro da época do Imperio romano, construído no século I e situado no centro da cidade de Roma. A súa denominación orixinal, Anfiteatro Flavio, fai referencia á dinastía Flavia de emperadores que o construíu; o seu nome posterior, Coliseo, e polo que é máis coñecido na actualidade, débese a unha gran estatua que había preto, o Coloso de Nerón, que non chegou ata nós. Pola súa conservación e historia, o Coliseo é un dos monumentos máis famosos da Antigüidade clásica. Foi declarado Patrimonio da Humanidade en 1980 pola Unesco e unha do Novas Sete Marabillas do Mundo Moderno en 2008.

Na moeda de 5 céntimos deste país aparece este Coliseo.

Mañá outra moeda, neste caso, do mesmo país e máis coñecementos!

FONTE: Clara González Freyre/Verne/elpais.com e es.wikipedia.org

BANDEIRAS DO MUNDO IX

Esta é a bandeira da India (República da India/भारत गणराज्य, Bhārat Gaṇarājyala), país situado na Asia Meridional. É o segundo país máis poboado do mundo, con máis de 1,2 miles de millóns de habitantes. A súa capital é Nova Deli e os idiomas oficiais son o hindi e o inglés.

A bandeira é unha enseña tricolor rectangular de cores azafrán, branco e verde indio, co Ashoka Chakra, unha roda de vinte e catro raios, de cor azul no centro. A cor azafrán denota renuncia. O branco no centro marca o camiño da verdade para guiar a nosa conduta. O verde mostra a nosa relación co sol, a nosa relación coa vida vexetal. O ashoka chakra no centro do branco é a roda da xustiza de dharma. A roda representa o dinamismo dun cambio pacífico. Representa tamén as 24 horas dun día.

Mañá outra bandeira e outro país!

FONTE: gl.wikipedia.org

A CULTURA QUE CONTEÑEN AS MOEDAS DO EURO VII

Continúo con esta serie que recolle a información cultural que amosan as distintas moedas do euro.

7. Grecia: O moucho da sorte

Durante moito tempo, Grecia considerou ao moucho (Athene noctua) como un animal sacro. E é que Atenea, deusa da sabedoría e da guerra, atópase emparentado con iste animal e apareceu representada xunto ao mesmo en numerosas ocasións. Aparecía na antigas moedas atenienses, a de catro dracmas, que representaba un moucho nunha cara e o rostro da deusa na outra. Este deseño popularizouse por todo o Mediterráneo, especialmente a partir do século V antes de Cristo, o que permitiu que se conserve un gran número de mostras destas antigas moedas nun estado envexable.

A moeda de 1 euro deste país é unha reprodución da moeda de catro dracmas ateniense.

Mañá outra moeda, doutro país e máis coñecementos!

FONTE: Clara González Freyre/Verne/elpais.com e es.wikipedia.org

BANDEIRAS DO MUNDO VIII

Esta é a bandeira de Haití (República de Haití), un país do Caribe, na parte occidental da illa A Española. Cunha poboación que supera os 11 millóns de habitantes, a súa capital é Porto Príncipe. O seu idioma oficial é o francés e o criollo haitiano.

A bandeira está composta por dúas franxas horizontais, do mesmo tamaño, de cor azul (a superior) e vermella (a inferior). No centro da mesma figura, dentro dun rectángulo de cor branco, o escudo nacional. A bandeira de uso civil carece de escudo. As cores on un reflexo da súa antiga situación como colonia de Francia: o vermello e o azul son os mesmos da bandeira francesa. As cores azul e o vermello mantivéronse para representar aos haitianos, non así o branco, que quedou eliminado como símbolo do refugallo de calquera influencia branca. O azul representa aos antigos escravos e o vermello representa á poboación mulata.

Mañá outra bandeira e outro país!

FONTE: gl.wikipedia.org

BANDEIRAS DO MUNDO VII

Esta é a bandeira de Gabón (República Gabonesa), un país situado na costa oeste de África central. Cunha poboación que supera o 1,5 millóns de habitantes, a súa capital é Libreville. Oseu idioma oficial é o francés.

A bandeira sstá composta por tres franxas horizontais do mesmo tamaño. A cor da franxa superior é o verde, que simboliza a flora do país. A franxa central, de cor amarela, representa a luz do sol. A franxa inferior é azul, o mesmo cor do Océano Atlántico que baña as costas do país.

Mañá outra bandeira e outro país!

FONTE: gl.wikipedia.org

A CULTURA QUE CONTEÑEN AS MOEDAS DO EURO VI

Continúo con esta serie que recolle a información cultural que amosan as distintas moedas do euro.

6. Grecia: O rapto de Europa

Europa, na mitoloxía grega, era unha muller fenicia de Tiro, secuestrada por Zeus, de cuxo nome deriva o do continente europeo. O mito relata que foi raptada por Zeus transformado nun touro branco, quen a levou a Creta sobre o seu lombo. Este relato foi racionalizado por Heródoto; quen indica que foi secuestrada por mariños  cretenses, quen a levou á súa patria. As referencias máis antigas deste mito son un texto da Ilíada e un fragmento do Catálogo das Mulleres de Hesíodo.

As moedas de 2 euros reproducen iste pasaxe mitolóxico. Inspírase nun mosaico aparecido en Esparta e o deseño é de Georges Stamatopoulos.

Mañá outra moeda, neste caso, do mesmo país e máis coñecementos!

FONTE: Clara González Freyre/Verne/elpais.com e es.wikipedia.org

BANDEIRAS DO MUNDO VI

 

Esta é a bandeira das Filipinas (República de Filipinas), un país insular situado no sueste asiático, sobre o océano Pacífico.  Cunha poboación superior aos 88.000.000, a súa capital é Manila. O idioma oficial é o filipino (Tagalo) e o inglés, que conviven con 170 linguas autóctonas.

A bandeira de está composta por dúas franxas horizontais do mesmo tamaño, de cor azul a superior e de vermello a inferior. No bordo máis próximo ao mastro figura un triángulo equilátero de cor branca que contén no seu centro un sol dourado ou amarelo con dezaseis raios que rodean a outro oito de maior grosor e tres estrelas do mesma cor con cinco puntas cada unha, situadas preto dos vértices do triángulo. A cor vermella da bandeira simboliza o sangue, o valor e a coraxe de quen loitaron pola independencia do país; o azul representa a unidade nacional e os ideais, e o branco é a cor da pureza e da paz. O sol representa o nacemento dunha nova era iniciada coa independencia do país. O oito raios do sol simbolizan ao oito provincias que iniciaron a revolta contra o dominio colonial español. O tres estrelas de cinco puntas representan o tres áreas xeográficas máis importantes das Illas Filipinas: Luzón, Visayas e Mindanao.

Mañá outra bandeira e outro país!

FONTE: gl.wikipedia.org

A CULTURA QUE CONTEÑEN AS MOEDAS DO EURO V

Continúo con esta serie que recolle a información cultural que amosan as distintas moedas do euro.

5. Malta: Templo de Mnajdra

Mnajdra é un templo megalítico que se atopa na costa sur de Malta, a 500 m da estrutura homóloga de Ħaġar Qim. Atópase preto dun cantil e desde el é posible ver o illote de Filfla. Foi construído no 3000 a. C. e é, por conseguinte, unha das máis antigas estruturas autónomas do mundo, anterior mesmo ás pirámides de Exipto e a  Stonehenge. Está composta por pedra calcaria de orixe coralino, a cal é moito máis forte que a do veciño Ħaġar Qim. En 1992, a Unesco declarou o conxunto de  Mnajdra, xunto a outros catro sitios megalíticos no arquipélago de Malta, Patrimonio da Humanidade.

As moedas de 1, 2 e 5 céntimos representan estra estrutura megalítica.

Mañá outra moeda, outro país e máis coñecementos!

FONTE: Clara González Freyre/Verne/elpais.com e es.wikipedia.org