FOTOVERDE

TOP 10 DAS NOVAS ESPECIES 2018

Como cada ano, o Instituto Internacional para a Exploración de Especies do Colexio de Ciencias Ambientais e Forestais da Universidade Estatal de Nova York (ESF) publica a súa particular selección das especies máis curiosas recentemente descubertas. Unha oportunidade fantástica para poñer en valor a asombrosa biodiversidade do noso planeta.

“Cada ano nomeamos preto de 18.000 novas especies, pero cremos que tamén se están extinguindo outras 20.000 especies anuais. Moitas delas, se non as atopamos, describimos e nomeamos agora, perderanse para sempre”, explica Quentin  Wheeler, presidente do ESF. “Estes achados poden ensinarnos moito sobre a complexidade dos ecosistemas e sobre a historia evolutiva do noso planeta”.

De todas elas, persoalmente, a que máis me chamou a atención foi UNHA PLANTA QUE NON FAI A FOTOSÍNTESE.

Sciaphila  sugimoto / Foto: Takaomi Sugimoto

Pensábase que a flora de Xapón estaba ben documentada, pero o mundo dos organismos vivos é unha fonte de sorpresas. O achado de  Sciaphila  sugimoto é emocionante, non só por iso, senón tamén pola peculiar forma de alimentarse que ten esta planta, pois non é  autótrofa , polo tanto non realiza a  fotosíntese, senón  heterótrofa, e asóciase cun fungo  simbionte do que obtén os nutrientes que necesita para vivir.

Trátase dunha especie en perigo crítico, pois ata agora só localizáronse poboacións en dous lugares moi concretos da illa, e falamos duns cincuenta individuos. Ademais, do mesmo xeito que outros  simbiontes  fúngicos, a súa supervivencia é fráxil e depende da estabilidade do ecosistema no que habita.

Se queres coñecer o resto desta particular selección preme AQUÍ. 

FONTE: .muyinteresante.es/naturaleza

CERTAME UNDERWATER PHOTOGRAPHER OF THE YEAR 2018

Underwater Photographer of the Year 2018 / Tobias Friedrich 

O certame Underwater Photographer of the Year móstranos cada ano os gañadores de fotografía submarina, cuxas imaxes amosan unha variedade de vida silvestre, ambientes e delicias arqueolóxicas que podemos atopar debaixo das ondas. Cada ano participan no concurso máis de 5.000 fotógrafos submarinos procedentes de todos os recunchos do mundo, incluídos China, Europa, EE. UU. e Bermudas.

En 2018 o gran premio foi outorgado ao fotógrafo alemán Tobias Friedrich pola súa impactante imaxe "Cycle War", que mostra un naufraxio cheo de motocicletas mergulladas da Segunda Guerra Mundial e camións de subministracións, con escolas de soldados patrullando por encima. "Tivera esta imaxe en mente durante algúns anos, pero é imposible capturala nunha soa foto porque non hai espazo dentro do pecio para fotografar esta escena nun só cadro", explicou Friedrich. "A miña solución foi tomar unha serie de imaxes e unilas como unha panorámica".

O certame cobre unha serie de categorías de fotografía submarina que inclúen: Macro, Pecios, Comportamento, Retrato, Branco e negro, Compacto ou Gran angular.

Se queres coñecer as fotografías gañadoras preme AQUÍ.

FONTE: underwaterphotographeroftheyear.com e Revista Muy Interasnte/Sarah Romero

 

FINALISTAS DO WILDLIFE 2017

 

Esta é unha das fotografías finalistas da Wildlife 2017. O traballo titulado "Aguia intrépida" é do fotógrafo alemán Klaus Nigge.

Despois de varios días de constante choiva, o aguia calva estaba empapada. A concentración total na expresión a aguia creou un retrato íntimo, realzado pola luz encapotada do día chuvioso.

O concurso, organizado polo Museo Nacional de Historia Natural de Londres, contou coa participación de case 50.000 entradas de profesionais e afeccionados de 92 países.

Se queres coñecer o resto das finalistas e facer o teu pronóstico, preme AQUÍ.

FONTE: theguardian.com

GAÑADOR UNDERWATER PHOTOGRAPHER OF THE YEAR 2017

  

 

Hai uns días,  desveláronse os gañadores do "Underwater Photographer of the Year 2017", o concurso que desde 1965 recolle as mellores imaxes sobre a vida e o hábitat de mares e ríos en todo o mundo.

O instantánea "Polbo bailarín" do francés Gabriel Barathieu valeulle o galardón de fotógrafo do ano. O xurado elixiu a foto de Barathieu entre miles de candidatas polo seu "vibrante contraste de cores, as detalladas e delicadas texturas e pola súa pose perfecta". A imaxe tomouse nunha lagoa da illa de Mayotte, no arquipélago das Comoras.

Se queres coñecer o resto de finalistas preme AQUÍ.

FONTE: Xornal El Mundo/Ciencia

PREMIOS WILDLIFE PHOTOGRAPHER OF THE YEAR 2016

 

Cada ano, o Museo de Historia Natural de Londres prepara o concurso internacional de fotografía máis importante no rubro de conservación ambiental: Wildlife Photographer of the Year. 

Este evento ten como obxectivo mostrar a fermosa diversidade do noso mundo, explorando as criaturas grandes e pequenas que existen na terra, no ceo, e na auga. A edición 2016, contou coa participación de 50 mil fotógrafos afeccionados e profesionais de 95 países distintos.

Na parte superior tedes a fotografía que acadou o primeiro premio na categoría “Fotógrafo do ano”. A foto é do amerciano Tim Laman, e foi tomada no Parque Nacional dr Gunung Palung de Indonesia.

Para ver o resto de fotos gañadoras preme AQUÍ.

FONTE:swagger.mx

O PASADO VERÁN FOI O TERCEIRO MÁIS CÁLIDO DOS ÚLTIMOS 51 ANOS

Verán re récord/ Imaxe:que.es

O verán meteorolóxico diste ano, que comprende do 1 de xuño ao 31 de agosto, foi o terceiro máis cálido e o segundo máis seco dos últimos 51 anos, segundo os datos que acaba de dar a coñecer a Axencia Estatal de Meteoroloxía (AEMET). A temperatura media do trimestre foi de 24,2ºC, é dicir, 1,2ºC por encima do habitual, tomando como referencia os valores para esa época do ano entre 1981 e 2010. Pola súa banda, as precipitacións reducíronse un 49% ata os 36 milímetros para ese mesmo período.

2003, 2015 e 2016 son os tres veráns máis cálidos desde 1965; os tres, deste século. O que máis preocupa, con todo, é que o pasado agosto é o décimo terceiro mes consecutivo máis cálido do rexistro. A súa temperatura media foi 0,62ºC superior á do período de referencia de 1981-2010, pero esta cifra ascende ata os 0,98ºC cando ese período cámbiase polo de 1951-1980. Se agosto de 2015 xa bateu récord de temperatura, o de 2016 conseguiu superalo en 0,17ºC.

A temperatura máis elevada do verán que rexistraron as estacións principais de AEMET deuse o 19 de xullo no aeroporto de Sevilla e en Morón de la Frontera (Sevilla): o termómetro alcanzou entón os 42,3ºC. Aquela xornada formou parte dun dos catro episodios de calor de non máis de catro días que sufriu a Península durante a segunda quincena de xullo e a principios e a finais de agosto; Canarias tamén viviu días de intensa calor a mediados de agosto.

Baleares e algunhas zonas da costa do Mediterráneo son as únicas nas que o verán foi normal ou lixeiramente frío. No resto foi cálido ou, mesmo, extremadamente cálido; este último é o caso de amplas zonas do centro e suroeste da Península.

A día de hoxe, cando resta 1 semana para que se peche o ano hidrolóxico, a precipitación media acumulada en todo o territorio nacional (605 milímetros) desde o 1 de outubro de 2015 quedouse un 3% por baixo da media. As choivas non só foron menos cuantiosas: tamén estiveron mal repartidas. O outono de 2015 foi especialmente seco, situación que se deu a volta entre xaneiro e maio. Por aquel entón, a precipitación acumulada era un 7% maior que o media pero esa tendencia truncouse coa chegada dun verán, o de 2016, moi seco; agosto foi o peor mes neste sentido.

Hai que remontarse a 1994 para atopar un verán máis seco. Só aquelas zonas afectadas por tormentas anotaron valores de precipitación superiores á media entre xuño e agosto deste ano; así sucedeu en varios puntos do límite territorial da comunidade de Estremadura, no interior de Valencia e das illas de Forteventura e Lanzarote, noroeste de Castelló e nordeste de Asturias e de Cidade Real. Dos diversos episodios de choivas intensas do verán destaca o do día 29 de xuño, que deixou 40 milímetros na provincia de Soria.

Para este outono, que entrou o pasado día 22, o AEMET xa adianta que será máis cálido do habitual. É posible que as temperaturas alcancen valores superiores á media en comparación co período entre 1981 e 2010; de feito, a primeira metade de setembro comezou con temperaturas anormalmente elevadas na área peninsular e Baleares. Os modelos, con todo, non aprecian diferenzas significativas no referente ás precipitacións.

FONTE: Xornal El Mundo/Medio Ambiente

IMAXES DA NATUREZA (III)

 

Falaba hai uns días dun fotógrafo, Will Burrard-Lucas, e dos seus traballos publicados en Instagram.

Ademais do seu Instagram, Burrard-Lucas creou o "BeetleCopter", un dron co que toma imaxes e vídeos tan impresionantes como o que vedes na parte superior do Parque Nacional Serengueti (Tanzania)

Espectacular!

FONTE: Revista Consumer/medioa Ambiente/Natureza

IMAXES DA NATUREZA (II)

 

Continuo coa sere de fotógrafos que coas súas marabillosas fotografías incitan a que nos involucremos na conservación da natureza, e que podemos ver publicadas en Instagram.

Imos coñecer hoxe a Will Burrard-Lucas.

Unha das características que fan único o traballo fotográfico de Will Burrard-Lucas (británico, criado en Tanzania) son as instantáneas desde puntos de vista diferentes aos habituais, como a que tedes na parte supeior, o Machu Picchu (Perú) na que unha chama parece facerse un selfi.

Se queredes coeñcer máis fotos da súa autoría premede AQUÍ .

En próximos días seguire con máis fotógrafos.

FONTE: Revista Consumer/medioa Ambiente/Natureza