HUMOR REAL: HISTORIA DE ESPAÑA EN TRES MINUTOS
Dani Orviz gañador do Poetry Slam, celebrado o pasado 12 de xaneiro no Centro de Cultura Contemporánea de Barcelona, co seu poema Historia Ibérica Espídica.
OUTRAS COUSAS
CANTO SABES DE CINE VII
A contestación correcta á pregunta do día anterior é Terminator. O Cyberdyne Systems T-800 modelo 1.0.1 foi encarnado polo actor Arnold Schwarzenegger na saga de películas Terminator. Este androide está programado para matar, do mesmo xeito que os outros modelos como o inesquecible terminator líquido T-1000. As guerras entre humanos e robots foron un argumento moi común no noso cinema.
E imos coa proposta de hoxe:
7. "Aínda que teña que matar, enganar ou roubar, a Deus poño por testemuña de que xamais volverei pasar fame". A frase é da película...
- Vacacións en Roma
- O que o vento levou
- Tombstone
- Sabrina
Mañá a solución!
FONTE: Idea orixinal de muyinteresante.es/cine/cultura/curiosidades
CANTO SABES DE CINE VI
A contestación correcta á pregunta do día anterior é Psicose. Dirixida por Alfred Hitchcock e estreada en 1960, Psicose considérase unha das mellores películas da historia do cinema. Tras o falecemento do emblemático director, Universal Pictures produciu tres secuelas, un remake e a recuela da película en forma de serie de TV como ’Bates Motel’.
E imos coa proposta de hoxe:
6. O modelo T-800 conforma un dos robots máis famosos da historia da ciencia ficción. Aparece en...
- Eu, Robot
- Curtocircuíto
- Terminator
- Robocop
Mañá a solución!
FONTE: Idea orixinal de muyinteresante.es/cine/cultura/curiosidades
CANTO SABES DE CINE V
A contestación correcta á pregunta do día anterior é Os 7 samuráis. Foi a primeira película sobre samuráis que dirixiu Akira Kurosawa e sentou precedente. Tanto que en occidente posteriormente chegaría a tan ben coñecida “Os sete magníficos”. Resumo: No Século XVI unha aldea de campesiños indefensos é atacada e saqueada continuamente por unha banda de fuxidos. A súa intención é contratar a un grupo de samuráis para protexelos. Foi estreada en 1954.
E imos coa proposta de hoxe:
5. Violencia, perversión, sexo... considérase o primeiro exemplo do subxénero slasher (subxénero do cinema de terror producido no contexto do así chamado cinema de explotación. Lasher, é un anglicismo derivado da palabra «slash» («coitelada» ou «corte» en inglés). Anthony Perkins abandeira esta gran película.
- Psicose
- O Proceso
- Asasinato no Orient Express
- O xuíz da forca
Mañá a solución!
FONTE: Idea orixinal de muyinteresante.es/cine/cultura/curiosidades
ANO 4717
Viñeta de Davila no xornal Faro de Vigo de hoxe
O luns pasado, día 4, comezou o ano 4717 segundo o calendario chinés, un cómputo que parte dende o ano 2697 a. C. Sempre cae na lúa Nova máis próxima ao día equidistante entre o solsticio de inverno (entre o 21 e o 23 de decembro) e o equinoccio de primavera (entre o 20 e o 21 de marzo) do hemisferio norte. Por iso varía cada ano entre o 3 e o 5 de febreiro, nunha data que está aproximadamente 45 días despois da do solsticio de inverno e 45 días antes da do equinoccio de primavera.
Outra das curiosidades do Ano Novo Chinés é a identificación cun dos 12 animais espirituais do zodiaco chinés, que se repiten de forma cíclica. Este ano deixamos atrás o ano do can e empezamos a transición cara ao ano do porco, que se asocia coa fertilidade e que se vaticina como un ano alegre e no que primará o diálogo e a diversión.
Feliz ano!
CANTO SABES DE CINE IV
A contestación correcta á pregunta do día anterior é Jurassic Park. Esta película é outro dos éxitos de Steven Spielberg. Baseada na novela homónima de Michael Crichton, o parque de atraccións con dinosauros clonados foi toda unha revolución. A cinta obtivo tres premios Óscar e todos aclamaron os efectos especiais que facían parecer case reais aos dinosauros. Outras películas con dinosauros: O planeta dos dinosauros, O mundo perdido, Viaxe ao mundo perdido, Camiñando con dinosauros, Pterodáctilo, Ice Age, A viaxe de Arlo...
E imos coa proposta de hoxe:
4. Trátase dunha das películas máis influentes na historia do cinema. A acción transcorre no Xapón do século XVI.
- Ran
- Harakiri
- Os 7 samuráis
- O último samurái
Mañá a solución!
FONTE: Idea orixinal de muyinteresante.es/cine/cultura/curiosidades
CANTO SABES DE CINE III
A contestación correcta á pregunta do día anterior é Cidadán Kane. Esta demoledora e irrebatible frase foi pronunciada por Bernstein (Everett Sloane) nesta aclamada película dirixida por Orson Welles en 1941: Cidadán Kane. Outra das famosas frases de Cidadán Kane é "Se non fora tan rico, chegaría a ser un gran home".
E imos coa proposta de hoxe:
3. Os dinosauros puxéronse de moda grazas a esta película.
- Na busca do val encantado
- King Kong
- Parque Xurásico
- Godzilla
Mañá a solución!
FONTE: Idea orixinal de muyinteresante.es/cine/cultura/curiosidades
CANTO SABES DE CINE II
A contestación correcta á pregunta do día anterior é Metrópoles. Dirixida por Frizt Lang en 1927, a película muda Metrópoles e o malvada robot María falaban do futuro; un no que esta icona metálica e aterradora segue creando escola nos cineastas de mundos futuristas. Inesquecible a escena da transformación de María.
E imos coa proposta de hoxe:
2. "Non é tan difícil facer diñeiro cando é só facer diñeiro o que se pretende". A que película corresponde esta frase?
- Cidadán Kane
- A cor do diñeiro
- O lobo de Wall Street
- Tarde de cans
Mañá a solución!
FONTE: Idea orixinal de muyinteresante.es/cine/cultura/curiosidades