O ANIMAL QUE VIVÍA NO INFERNO

O cempés Hades, a máis dun quilómetro baixo os nosos pés / J. Bedek

Un equipo internacional de investigadores descubriu un cempés vivindo á incrible profundidade de 1.100 metros, con diferenza o animal máis “profundo” deste tipo xamais atopado. A criatura foi achada por membros da Sociedade Bioespeleológica Croata en tres covas diferentes do montes Velebit, en Croacia. A nova especie, cuxo hábitat atópase a máis dun km. baixo o subsolo, foi chamada Geophilus hadesi. Hades é o deus do inframundo na mitología grega. O achado acábase de publicar na revista ZooKeys.

Axexando desde as escuras bóvedas dalgunhas das covas máis profundas do mundo, o nome de Hades elixido para este ciempiés tamén serve para emparejarlo con outro parente subterráneo, Perséfone, a raíña do inframundo e outra clase de cempés subterráneo.

Os cempés son carnívoros que se alimentan dando caza a outros invertebrados. Son habitantes comúns de moitas covas, pero os membros desta orde particular, chamado dos xeofilomorfos, só moi raramente buscan acubillo nalgunha delas. De feito, as especies cuxo ciclo vital completo desenvólvese dentro dunha cova son extremadamente raras neste grupo.

Por iso, os cempés Hades e Perséfone son unha excepción á regra. Trátase, en efecto, dos dous únicos cempés xeofilomorfos que se adaptaron a vivir exclusivamente en covas. Por iso levan os nomes dun rei e unha raíña do mundo subterráneo.

Como a maioría dos cavernícolas, o novo cempés mostra unhas caracerísticas que son inusuais entre as súas conxéneres, pero que a miúdo coinciden coas doutros artrópodos que tamén viven en covas. Así, Hades loce unhas antenas moi longas, un tronco segmentado e garras nas patas. Está equipado con mandíbulas poderosas que incorporan glándulas velenosas, e con garras curvas e longas que lle permiten capturar e manter firmemente suxeita á súa presa. Nin que dicir ten que o cempés Hades é un dos principais depredadores que se arrastran na rocosa escuridade da cova.

A nova especie súmase así ás criaturas asombrosas que viven nas covas do Velebit, unha montaña que se estende ao longo de máis de 145 km. e que, no seu conxunto, considérase un punto quente da diversidade subterránea.

Ao igual que Hades, que gobernou sobre o reino das sombras, o novo cempés habita entre un extraordinario número de animais cavernícolas pálidos, algúns coñecidos pola ciencia e moitos outros aínda por descubrir. O achado proba unha vez máis o pouco que sabemos da vida subterránea, e que ata nas zonas mellor estudadas é posible achar animais incribles.

FONTE: Xornal abc/ciencia