O COMETA CATALINA

 

Se as nubes non o impiden, durante estes días está a uns 108 millóns de quilómetros de distancia o cometa Catalina. Cun brillo aparente dunhas cinco magnitudes, permite observalo a primeira ollada: vese como un escintileo verdoso cuns prismáticos, antes do amencer. Cada día aparece nun punto diferente, entre a constelación do Boyero (Bootes) e a Osa Maior (oeste/noroeste).

É un obxecto celeste novo, descuberto cun pequeno telescopio en 2013, procedente da remota Nube de Oort, nos confíns do Sistema Solar.