Blogia
vgomez

MARY ANNING: A MULLER COLECCIONISTA DE FÓSILES

bbva-openmind-5-anning

Retrato de Mary Anning / B. J. Donne/bbvaopenmind.com

Mary  Anning (Lyme Regis-Inglaterra, 21 de maio de 1799-9 de marzo de 1847). Ao contrario que outros científicos da súa época, homes ou mulleres, Mary Anning non tiña a vida resolta. Para ela o coleccionismo de fósiles non era un pasatempo, senón unha actividade coa que o seu pai complementaba os seus exiguos ingresos como carpinteiro, vendendo as pezas achadas aos turistas. Cando o pai morreu, a familia tivo que sobrevivir da caridade.  Mary e o seu irmán Joseph, os únicos sobreviventes de dez irmáns, continuaron arriscando as súas vidas na procura de fósiles nos perigosos cantís de  Dorset. Nunha ocasión, Mary estivo a piques de morrer por un esvaramento de terra que levou ao seu can Tray.

Un día, Mary e Joseph descubriron un estraño espécime que parecía o fósil dun crocodilo. Resultou ser un ictiosaurio ("lagartos peixes", grandes réptiles mariños con aspecto de peixe e golfiños, que viviron desde o  Triásico Inferior ata o  Cretácico Superior, aproximadamente 245 e 90 millóns de anos), o primeiro que sería recoñecido como tal.

Xa en solitario, Mary Anning descubriría os primeiros  plesiosaurios (unha orde extinta de  saurópsidos (réptiles)  sauropterigios que apareceron a principios do período  Xurásico e perduraron ata a extinción  K-T ao final do  Cretácico, habitando en todos os mares) e o primeiro pterosaurio fóra de Alemaña ("lagartos  alados", son unha orde extinta de  saurópsidos  arcosaurios voadores que existiron durante case toda a Era  Mesozoica, 228 a 66 millóns de anos) , entre outros importantes achados que a levaron a ser definida como “a maior  fosilista que o mundo coñeceu”. Cando o  geólogo Henry Da  Beche pintou  Duria  Antiquior, a primeira representación realista da vida prehistórica, baseouse sobre todo nos fósiles descubertos por  Anning.

Mary  Anning nunca tivo acceso a unha formación científica. Adoitaba vender as súas pezas a reputados expertos, polo que ela apenas recibía crédito polos seus achados. Pouco importou que os científicos viaxasen dende América para consultala; nunca foi admitida na Geological  Society  of  London, e o seu único traballo publicado en vida foi unha carta ao director do  Magazine  of Natural  History. No seu tempo era difícil para unha muller abrirse camiño no mundo da ciencia. Pero ser como  Anning, pobre ademais de muller, foi unha condena que limitou o seu recoñecemento xeral ata tempo despois da súa morte.

FONTE: bbvaopenmind.com e wikipwdia

0 comentarios