PERSEGUIR OS SOÑOS

 

A maxia chegou á vida de José Luis Izquierdo, máis coñecido como Mago More, da man dun profesor de matemáticas que lle explicaba os problemas con divertidos trucos. Foi naqueles momentos, cando decidiu que loitaría por converterse algún día en mago. More cumpriu o seu soño, e hoxe, é ademais un popular humorista, guionista, actor e conferenciante de éxito. O nacemento dun dos seus fillos con parálise cerebral e o diagnóstico dunha enfermidade crónica que lle levou a estar practicamente inmobilizado foron dous acontecementos craves na súa vida. O seu libro ‘Superpoderes do éxito para xente normal’, recolle unha mirada práctica sobre as aprendizaxes de vida que lle axudaron a superar estas dificultades ata converterse nunha persoa polifacética, creativa e inconformista. Perseguir os soños, non ter medo a fracasar nin renderse nunca ante as adversidades son algúns dos motores de vida deste cómico. Nas súas palabras: “Hai que ter soños para tres vidas e para iso hai que ter forza de vontade e cambiar os nosos hábitos”.