CABEZA DE LOBO DE 40.000 ANOS CO CEBREBRO INTACTO

A cabeza do lobo xigante atopada en Siberia / Albert Protopopov

O desxeo do permafrost siberiano está a revelar moitas sorpresas: poldros de hai 42.000 anos con sangue líquido nas súas veas, vermes prehistóricos ou mamuts lanudos, o xeo esconde vestixios da vida na Terra hai miles de décadas. O último descubrimento ocorreu o verán pasado, a beiras do río Tirekhtyakh, en Yakutia, cando un aldeán paseaba tranquilo e achou unha cabeza de lobo xigante de 40 centímetros de longo. Ao imaxinarse que se trataba dun espécime valioso para a ciencia, contactou con investigadores rusos, quen datou a cabeza nuns 40.000 anos. E, o máis sorprendente de todo: conserva intacto o cerebro.

O descubrimento acábase de facer público nunha exposición en Xapón sobre criaturas conxeladas da Idade do Xeo, incluídos outros especímenes, xa que foi o equipo xaponés o encargado de realizar o estudo preliminar da cabeza, xunto cun equipo da Academia da República de Sakha en Rusia e outros científicos suecos.

"Trátase do descubrimento único dos primeiros restos dun lobo Pleistoceno completamente desenvolto, co seu tecido preservado", afirma o paleontólogo Albert Protopopov da Academia de Ciencias da República de Sakha a The Siberian Times. "Compararémolo cos lobos modernos para comprender como evolucionou a especie e para reconstruír a súa aparencia".

Segundo explica Protopopov, o achado de restos de lobos conxelados no permafrost é bastante común, de feito xa se descubriron os corpos de varios cachorros antigos. Con todo, nunca se atopou unha especie coa cabeza tan grande nin moito menos tan ben conservada, coa pelame, os cabeiros, a pel e mesmo tecido cerebral. Os investigadores cren que se trata dun lobo adulto e que morrería entre os dous e os catro anos de idade, segundo revelou as análises preliminares de ADN e as tomografías, aínda que agora quérese comparar a súa xenética coa do lobo actual para poder ver a súa evolución.

FONTE: abc.es/ciencia