CALENDARIO MUSULMÁN

Calendario musulmán / Imaxe:i2.wp.com

Levamos falados estes días pasados dos calendarios chines e hebreo. Hoxe imos facelo do calendario musulmán.

Estamos hoxe no 2 de Yumada al-Akhir do ano 1441 do calendario musulmán, que arrinca coa Hégira, a migración de Mahoma da Meca a Medina o 16 de xullo do ano 622. Este calendario consta de 12 meses lunares e un ano de 354 ou 355 días.

Non hai meses intercalados cada certa cantidade de anos, como ocorre cos calendarios chinés e hebreo, polo que os meses e as estacións non manteñen relación. O noveno mes, Ramadán, é un mes de xaxún que este ano comezará o 5 de maio.

O calendario musulmán é oficial en países como Arabia Saudita e Iemen. Outros, como Exipto, Siria e Marrocos, usan tanto este como o  gregoriano.

Mañá outro calendario!

FONTE: J. Rubio /E. Sánchez/verne.elpais.com